Bugün - 20 Şubat 2018 Salı
Foto Galeri
Video Galeri
Biz kimiz
Reklama
Gagauz Şarkıları
Aza Ol
 Bize Ulaşın
www.meydangazetasi.com Logo
-
Hava Komrat °C
Biyogrofi

OLGA RADOVA - KARANASTAS

  Olga Konstantinovna duudu 1958-ci yılda kasımın 23-dä Kongaz küüyündä. Orta okuldan sora 1974-1977 yıllarda Moldova Kooperativ Tehnikumunda üürendi. 1983 yılda Kişinöv Devlet Universitetindä ekonomika fakultetini başardı. 1977-1986 yıllarda ekonomika uurunda çalıştı. Gagauz yazıcısı, şairi, istoriya bilgilerindä doktor, çevirici, toplum zaametçisi. Literatura yaratmalarını 80-ci yıllarda tiparlanmaa başladı.

  İlk karı, angısı 1986-1988 yıllarda gagauz dilindä “Bucaan dalgasında” Moldovada respublikan televideniya hem radio kolverimnerini hazırladı hem götürdü. 1988-1989 yıllarda gagauz dilindä “Ana sözü” gazetasının temellenmesindä redakţiyada korespondent, litrabotnik, çevirici, korektor hem maşinistka olarak çalıştı. 1989 yılda  Moldova Bilim Akademiyasında Etnografiya hem folklor institutununda laborant, sora da Milletlärarası ilişkileri aaraştırma İnstitutunda bilim uzmanı olarak Gagauzologiya bölümündä çalıştı (1989-2007). O yıllarda “Gagauzça-Rusça Sözlük”  hazırlandı, o sözlüktä Olga Radova-Karanastas ta büük pay aldı.

 1993-1996 yıllarda Moldova Bilim Akademiyasının Arheologiya hem Etnografiya İnstitutunda doktorant olarak bilim araştırmalarını devam etti, “Gagauzların etnodemografiya gelişmeleri XVIII yüzyılın sonunda – XIX yüzyıllarda” konuya görä doktora tezasını hazırladı da sora Moskvada, Rusiya Bilim Akademiyasının N.N.Mikluho-Maklaya adına Etnologiya hem Antropologiya İnstitutunda doktorluunu korudu.

 1993-1997 yıllarda Moldova Cümnä Kuruluşun  “Moldova Gagauz Karılar Birliin” prezidenti oldu. Gagauziya Yazıcılar Birlii, Moldova “Nistru” Yazıcılar Birlii hem Evraziya Yazıcılar Birlii azası. Peetleri  hem annatmaları “İlkyaz türküsü” (1989 y.) toplumuna, “Gagauz şiir antolojisi” (1992 y.), „Gagauz çağdaş şiiri antolojisi“ (2000 y.), „İubire de metaforă” (2001 y.) peet antologiyalarına girdilär. 2003 yılda ayırı “Canın sesi”  peet toplumu tiparlandı.

 70-tän zeedä bilim çalışmaları tipardan çıktılar, onnarın içindä üç monografiyası da var.

 2007-ci yılda  Olga Radova bilim adamnarı grupasınnan barabar Türkiyä Osmannı Arhivlerinä hem  bilim ekspediţiyasına yollandılar. Arhivlerdä Moldovanın, gagauzların hem başka milletlerin istoriyasınnan baalı çok dokument seçip, Moldovaya getirdilär. Hep bu yılın Olga Radova-Karanastas genä Moldovadan ilk olarak Türkiyedä “osmannı türkçesi” dilindä yazmaa hem okumaa, osmannıyca ellän yazılı arhiv dokumentlerini okumaa üürendi.

  Büünkü gündä Dr.Olga Radova-Karanastas Gagauziya M.V. Maruneviç adına Bilim-aaraştırma merkezindä çalışêr. Uşaklara deyni annatmak kiyadı, peetleri, bilim kiyatları h. b. çalışmaları tipara hazır.

 

 
Diğer Biyografiler

Saveliy Ekonomov
Pötr VLAH
Lüdmila MARİN-KARAÇOBAN
SEMÖN POMETKO (1951 – 1998)
STEPAN KUROGLO
OLGA RADOVA - KARANASTAS
Vlad-Demir (Vladimir) Harlampyeviç Karagançu
Konstantin SIRF
E-kitap

Meydan Fm

Sesi duyabilmek için, videoları izlerken Meydan FM'i durdurunuz lütfen.

E-Gazeta
Anket

Meydan! gazetası nasıl olmuş?


  
Beendim499 Kişi (% 84 )
  
Pek beenmedim35 Kişi (% 6 )
  
Çoktan lääzımdı olsun57 Kişi (% 10 )

Toplam 591 Kişi

Röportajlar
BİZİM ECEL İSTORİYALARIMIZ
İVAN RODİONOVİÇ KELEŞ – UZBEKİSTAN NEFTEGAZ SFERASININ İLERLENMESİNDÄ BÜÜK KATKIDA BULUNANNARDAN BİRİSİUzbekistanda İvan Keleş yaş&e...
»
»
Kim Kimdir
Anasayfa
Site Haritası
Sitenize Ekleyin
RSS Kaynağı
Hakkımızda
Reklama
Gagauz Şarkıları
Biz kimiz
Facebook
Twitter
Baalantı
Copyright ©2013 - Tüm hakları saklı tutulmaktadır.
Bu sitede yayınlanan tüm resim, materyal ve içeriğin telif hakları tarafımızca saklı olup izinsiz alınıp kullanılamaz.
0,05ms