301 Moved Permanently

Moved Permanently

The document has moved here.

Haber Detayı
06 Mart 2014 - Perşembe 09:34 Bu haber 1469 kez okundu
 
ANNATMAK
ÜÜRENMÄK Haberi


   Her zaman “pintilik” islää iş diilmiş. Kim var nicä sevinsin sıkı adama, angısının çitleri boodaylan hem terekäylän dolu, ama canı istämeer bir fukaareyä bir buka ekmek tä vermää. Benim sözüm – bir pinti için.

    Annadêrlar, ani pek zengin bir adam yaşarmış, ama o ölä sıkıymış, ani hiçbir kerä dä kendi sıkılıı beterinä bir kıymık datlı et imemiş. Ama, açan pek istäärmiş yaanı imää, izmetçisini panayıra yollarmış, ki kasaptan keçi yada kuzu kafası satın alsın. Bu kafalardan zengin olan kendi karnısını doyurarmış. Bölä geçirmiş zengin yaşamasını.

    Bir sefer, onu bilän bir adam sormuş:

-Neçin, kafadan kaarä, başka et imeersin?

-Neçin deyni bän pek beenerim kuzu hem keçi kafası, – cuvap vermiş zengin.

-Seninnän yok nicä kayıl olayım, – demiş onu bilän adam, – ne fayda var bu kafalarda? Sölä bana doorusunu, da bän dä bileyim.

-Bän bunu şindiyädän kimseyä sölämedim, ama emin et, ani kimseycää sölämeyecän.

-Kafamı kessinnär! Laf aazımdan çıkmayacek.

-Gerçää onun tä nedä. Mal kafası ii iş. Onun paayı herkerä bellidir. İzmetçi yok nasıl saklasın. Elbetki, açan kaynadêrlar yaanıyı, bir parçacık yahnı var nasıl koparmaa. Ama açan pişirerlär keçi yada kuzu kafasını, ondan yok nicä bişey saklı imää. Neçin deyni, çıkaracan gözünü – belli, savaşacan kulaa kapmaa – genä belli. Bulamayacan ölä şalvir izmetçi, kim var nicä çorbacı hesap almadaan, kafadan bir parça isin.

-Ama var taa bir iş, necin bän kafa beenerim, – demiş zengin olan, – onun herbir parçasında kendi dadı var. Dildä – dat bir, gözdä – başka, kulaklarda – taa başka. Nicä görersin, kafanın herbir parçasının ayırı faydası var. Tutêr ucuz, faydası sa büüktür. Tä necin, istärsän bilmää, bän herzaman mal kafası iyerim. Başka et sä satın almêêrım.

-Vallah! – demiş zenginnän lafededän adam. – Emin ederim, şindiyädän yaşamamda bölä sıkı hem pinti adam görmedim!

 

 

 

Kaynak: Editör:
 
Etiketler:
Yorumlar
Divizia Națională EDIŢIA 2019
CLASAMENT 
LOC ECHIPĂ MECI   VIC.   PUNCTE
1 DINAMO-AUTO 1 1 3
2 SFÎNTUL GHEORGHE 1 1 3
3 SHERIFF  1 1 3
4 PETROCUB-HÎNCEŞTI 1 1 3
5 SPERANȚA 1 0 0
6 ZIMBRU 1 0 0
7 MILSAMI 1 0 0
8 CODRU 1 0 0
Anketler
Meydan! gazetası nasıl olmuş?
Arşiv Arama
Haber Yazılımı