301 Moved Permanently

Moved Permanently

The document has moved here.

Haber Detayı
04 Nisan 2014 - Cuma 11:13 Bu haber 1516 kez okundu
 
BİLİM, KULTURA HEM İNCÄZANAAT ÖDÜLLERİ SAABİLERİNİ BULDU
KULTURA Haberi


  Eskişehir 2013 Türk dünnesinin kultura uurunda baş kasabasının programasına görä, ESOGÜ Kongres Merkezindä “Türk Dünnesi Bilim, Kultura hem İncäzanaat ödül yortusu” geçirildi.

  Türk dünnesinin kultura uurunda baş kasabası olan Eskişehir yıl boyunca halklararası oluşları, proektleri hazırlayıp-geçirer. Türk dünnesinin birliini kaavileştirmäk için neetlerini mutlak tamannamaa düşüner.

  30-dan zeedä izmet ödülü verildi bu toplantıda, hem burada durgunmak yok, neçin deyni kendi misiyasını organizatorlar bölä görerlär: “Türk dünnesini dildä, fikirdä, iştä, ürektä bir hem kaavi dostluk içindä uzun yıllara bilä ilerletmää isteeriz”.

  Açılışta sölendi, ani ödül vermä yortusunun mardın 20-dä geçirilmesi maasuz plannanmıştı: ”Türk kalendarına görä eni yılın ilk günü mardın 21-indä. Türk dünnesindä başka-başka adlarlan kutlanan “Nevruz”, ilkyazın gelmesini hem eni yılın çeketmesini haberleer.Hep türk kalendarına görä, yılın son günündä bu izmet ödülleri türlü disţiplinalarda veriler insannara, ki umutlan dolu bir eni hem gözäl yılı mutluluklan selemnemää”.

  Selemnemäk sözlerindän sora uzak dost hem senselä devletlerdän teklif edilän musaafirlerä ödüllär verildi. Gagauziyadan halk kulturasına izmet için ödül verildi Beşalma küüyün Muzey başına Lüdmila Marin-Karaçobana.

  Hep burada “Saray kıyafetleri” (Padişahlık rubaları) defilesi gösterildi. Programanın bitkisindä Gagauziyadan gelän halk türkü hem oyun kolektivi “Düz-ava” hem anılmış türkücü, kompozitor Pötr Petkoviç konţert gösterdilär.

Kaynak: Editör:
 
Etiketler:
Yorumlar
Divizia Națională EDIŢIA 2018
CLASAMENT
LOC ECHIPĂ MECI   VIC.   PUNCTE
1 SHERIFF 28 19 63
2 MILSAMI 28 13 45
3 PETROCUB-HÎNCEŞTI 28 12 45
4 SPERANȚA 28 9 38
5 ZIMBRU 28 9 36*
6 DINAMO-AUTO 28 7 28
7 SFÎNTUL GHEORGHE 28 6 26
8 ZARIA 28 4 22
Anketler
Meydan! gazetası nasıl olmuş?
Arşiv Arama
Haber Yazılımı