301 Moved Permanently

Moved Permanently

The document has moved here.

Haber Detayı
05 Haziran 2014 - Perşembe 11:06 Bu haber 1775 kez okundu
 
MARİYA DURBAYLO – 50 YILDAN ZEEDÄ YARATMAK UURUNDA
Arşiv Haberi


    Komrattakı Atatürk adına bibliotekada aprilin 22-dä eni kiyadının prezentaţiyasını yaptı Gagauziyanın anılmış bilim insanı hem yazıcısı Mariya Angelovna Durbaylo (Kuyumcu). 
    Okumak salonunda toplandılar onun dostları, tanıdıkları, onun yaratmalarını sevennär, onunnan çok yıl bilä işleyennär.
    Uzun zaman Mariya Angelovna işledi Moldovanın Bilim Akademiyasında. Buluşmanın açılışında sölendi, ani büün yapılêr avtorun sıradakı kiyadının 
tanıtımı, ama öbür taraftan lääzım şükür etmää, ani Mariya Durbaylo artık yarım asirdän zeedä kalem elindä izmettä bulunêr. Bu büük hem gerçek bir örnek gençlerimizin terbiyetmesindä. Avtor kendisi annattı biografiyasını, derindän durgundu çalışma bölümündä, angısı kavramış onu taa gençlik zamannarından – aaraştırmaa gagauz folklorunu. Aklısına getirdi, nicä Bilim Akademiyasında işlärkän, parçacık-parçacık toplarmış istoriya bilgilerini, gezärmiş gagauz küülerindä evdän-evä, yazarmış halk türkülerini, üürenärmiş tarafımızın evelki adetlerini. Toplanmış materialların çoyunu o vermiş Beşalma hem Komrat muzeylerin arhivlerindä korunsunnar. Kendi özel arhivindä da elbet var çok bölümnü yazılar, angıları bekleerlär kendi saadını. Mariya Angelovna becerdi tiparlamaa birkaç kiyat annatmalarlan, balladalarlan, folklorlan.  
   Lääzım nışannamaa bu insanın çoktaraflı talantını, çünkü yazêr Mariya Durbaylo peet, annatma, roman, çevirer rus hem başka dillerdän gagauzçaya, hep kesintisiz toplêêr ana tarafı için folklor hem yaşamak bilgilerini. Onun annatmaları  girdilär 1993 çıkan kiyadına – “Toomsuz tarlada yaban gülleri”. Bitki yıllar dünneyä geldi iki bölümnü kiyadı – “Лебеди несут письмо”.
   Eni kiyadın prezentațiyasında bulunannar hepsi söledilär mayıl lafları Mariya Durbaylonun uzun yaratmak yolu için, şükür ettilär gagauz kulturasına yapılan faydalı izmeti için. Dua ettilär avtora saalık hem taa çok yıl sevindirsin yaşayannarımızı meraklı hem derin özlü yaratmalarınnan. Beki önümüzdeki  vakıtlarda Gagauziyanın öndercileri yada sponsorlar yardım edeceklär Mariya Angelovnaya tiparlamaa topladıı istoriya hem folklor materiallarını.
Konstantin Kurdoglo
Kaynak: Editör:
 
Etiketler:
Diğer Fotoğraflar


Yorumlar
Divizia Națională EDIŢIA 2018
CLASAMENT
LOC ECHIPĂ MECI   VIC.   PUNCTE
1 SHERIFF 28 19 63
2 MILSAMI 28 13 45
3 PETROCUB-HÎNCEŞTI 28 12 45
4 SPERANȚA 28 9 38
5 ZIMBRU 28 9 36*
6 DINAMO-AUTO 28 7 28
7 SFÎNTUL GHEORGHE 28 6 26
8 ZARIA 28 4 22
Anketler
Meydan! gazetası nasıl olmuş?
Arşiv Arama
Haber Yazılımı