Bugün - 16 Ocak 2018 Salı
Foto Galeri
Video Galeri
Biz kimiz
Reklama
Gagauz Şarkıları
Aza Ol
 Bize Ulaşın
www.meydangazetasi.com Logo
-
Hava Komrat °C
Haber Detayları

SAYGILI OKUYUCULAR!

0

Arşiv Haberi - 20 Şubat 2013 Çarşamba - 13:08
0
Resmi küçültmek için üzerini tıklayın...
Büünkü gündä bizdä Gagauziyada yortu, çünkü ellerimizä ?Meydan? gazetasının ilk sayısı etişti. Düşünerim, ani avtonomiyamızda Ana dilimizdä eni gazetanın çıkması ? bu bir adım demokratiyaya dooru. Bän, nicä Gagauziyanın sıradan yaşayanı, sıcak bakêrım eni gazetaya hem isteerim yardımcı olayım onu hazırlamaa. İnanêrım, ani Gagauziyada şindiyä kadar çıkan gazetaların arasında ?Meydan? erleşecek kendi erinä, insannara kendini sevdirecek. Umutlanêrım, ani gazeta getirecek insannara türlü haberleri diil sade Gagauziyadan, ama bütün dünnedän.
Bana görä, ?Meydan? gazetasının en büük misiyası ? göstermää kendi sayfalarında halkımızın adetlerini hem kulturasını, istoriyasını, sport yaşamasını h. b. Hem dä pek önemli, ani o pek karışmayacek politikaya. Umutlanêrım, ani bu gazeta verecek impuls ana dilimizin ilerlemesinä hem patriotizmaya, angısı bizä şindi ölä etişmeer.
 Eni gazeta, sanêrım, yapacek konkurenţiya taa ilerdän çıkan gazetalara, bu iş pek normal hem demokratik, çünkü mediyada herzaman başka-başka fikirlär, bakışlar, maanalar lääzım olsun. Gagauziyanın her tarafına radio hem televizion yayınnarı etişer,  yazılêr Ana tarafımızın, küülerimizin istoriyası, eni muzeylär açılêr. Lääzım kantarlamaa da tanımaa, ani durum hep bölä diildi, o diişiler ii tarafa. Hepsimiz lääzım şükürlü olalım Gagauziyanın liderlerinä, ani topladılar insanı da baamsızlaa dooru yol gösterdilär. Unutmamaa Türkiya devletin kardaşlık yardımını, 9-cu prezidentin Suleyman Demirelin adını, neçinki  avtonomiyayı bizä kazandırmak için o  kendini pek aktiv gösterdi.
Taa 20 yıl geçmedi, nicä kendibaşına bir halk olduk, kabledip devletlii Gagauz Yeri avtonomiya  formasında. Bu iş bizim istoriyamız için, ecelimiz için pek önemli, çünkü bitki 200 yıl yaşarkan Bucakta, Moldovanın içindä, kendi devletimizi  taa ileri kuramamıştık. Biliner, ani halkın bir devlet statusu varsa, sayılêr, ani onun var büük kolaylıkları ilerlemää deyni. Bu iş gerçekleşti, geçmiş yıllarda gagauzlar bütün dünnä istoriyasında artık erlerini aldılar, kendilerini belli ettilär.
Hepsmiz bilä dünnä birliinä katılmaa savaşêrız. Türlü Evropa hem Aziya strukturalarında  aza olêrız, çok ekonomika, politika, kultura hem sport olaylarında dünnä uurunda pay alêrız. Gagauziya şindi nicä kendibaşına subyekt hem kendibaşına önderlenän organ zakona görä var nasıl kendi politikasını kursun, türlü üürenmäk hem soţial proektlerini gerçekleştirsin, avtonomiyaya iş adamnarını hem yatırımcıları çaarsın. Hepsini bunnarı avtonomiyasız yapamayacektık. Makar ki Moldova kuvetleri pek alatlamêêrlar kanonda yazılı olan hepsi noktaları erinä getirmää, Gagauziya büün ilerleer. Bakmayarak kuraklık zamannarına hem krizislerä, çıkış yollarını bulabiler, problemalarını çözäbiler.
Kısaca, Gagauziyanın bitki yıllarda pozitiv ilerlemesi için annadarkan, düşer nışannamaa, ani soțial uurunda çok başarılar kazanıldı. Avtonomiyanın küülerindä hem kasabalarında enilendi yada düzüldü saalık merkezleri, döşenildi mini-futbol meydancıkları, geçirildi hem geçiriler su, yollarımız da düzülmää başladı. Düşünün, 100 yılda düzülmeyän Baurçu ? Kongaz yolu şindi asfalt döşener.
Çadırda  enidän düzüldü futbol stadionu, angısı donadêr kasabanın merkezini... Düşünerim, ani biz lääzım, açıp gözlerimizi, görelim yapılannarı da nicä düşer nota verelim onnara. Elbetki, çözülmeyän soruşlar da tarafımızda çok taa var.
Nekadar canım seviner, ani artık çok yıl kendi Universitetimiz, kendi Radio-Televizionumuz, kendi Teatrumuz var. Nekadar da talantlı insannarımız oldular profesional muzıkacı, solist, kompozitor, yazıcı, resimci, aktör h. b. Okadar çok kiyat bitki vakıtlarda çıkarılêr, nekadar  hazırlanmamıştı hiç bir zaman da ? bu islää bir ilerlemäk nışanı.
Esap alêrız, ani bizim şkolalarda hem saalık merkezlerindä 95% işleerlär bizim vatandaşlarımız. Bu üüsek sayı, çünkü eskidän tersinäydi: speţialistlerin 95% yabancıydı. Bunu da bitki zamannar avtonomiyanın öndercilerinnän birliktä yapêrız.
Yok nasıl sevindirmesin o iş, ani 2012-nci yılda Gagauziyanın öndercileri artık üçüncü kerä Dünnä Gagauzların kongresini geçirdilär ? bu iş küçük halkımızın birleşmiş olduunu, soydaşlarımızın vatanına sevgisini gösterer.
İsteerim dua etmää birliktä hem dostlukta yaradan ?Meydan? gazetasının yazarlarına: eni, Ana dilindä gazeta sevilsin hem okunsun. Önemli o da, ani gazetayı hazırlayannar okuyucularlan buluşsunnar. Okuyucular da gazetanın sayfa köşelerindä  kendi annatmalarını, yazılarını, yaratmalarını erleştiräbilsinnär. Canımdan isteerim gazetayı hazırlayannara sölemää: izmet etsinnär insana, insan da şükürlü olacek buna. Gazetanın herbir sayısı özlenip beklenilsin.  İleri, ?Meydan?!

 
Anahtar Kelimeler:arsiv,
Kaynak / Editör: İHA -
 
Yorumlar
*** Yorum Yaz
Bu habere hiç yorum yapılmamış, ilk yorumu siz yapın.

Diğer Arşiv Haberleri

Diğer Başlıklar

Türkiye'den GRT'ye teknik yardım
Общество турецко-молдавской дружбы издало более 34 тысяч экземпляров гагаузских книг
Türk Dünyasında Kadın
İvan ÇELAK – BALLAD
EVROPADAKİ TÜRK SOLUU GAGAUZLAR 1. BÖLÜM
EVROPADAKİ TÜRK SOLUU GAGAUZLAR 2. BÖLÜM
EVROPADAKİ TÜRK SOLUU GAGAUZLAR 3. BÖLÜM
EVROPADAKİ TÜRK SOLUU GAGAUZLAR 4. BÖLÜM
EVROPADAKİ TÜRK SOLUU GAGAUZLAR 5. BÖLÜM
E-kitap

Meydan Fm

Sesi duyabilmek için, videoları izlerken Meydan FM'i durdurunuz lütfen.

E-Gazeta
Anket

Meydan! gazetası nasıl olmuş?


  
Beendim499 Kişi (% 84 )
  
Pek beenmedim35 Kişi (% 6 )
  
Çoktan lääzımdı olsun57 Kişi (% 10 )

Toplam 591 Kişi

Röportajlar
BİZİM ECEL İSTORİYALARIMIZ
İVAN RODİONOVİÇ KELEŞ – UZBEKİSTAN NEFTEGAZ SFERASININ İLERLENMESİNDÄ BÜÜK KATKIDA BULUNANNARDAN BİRİSİUzbekistanda İvan Keleş yaş&e...
»
»
Kim Kimdir
Anasayfa
Site Haritası
Sitenize Ekleyin
RSS Kaynağı
Hakkımızda
Reklama
Gagauz Şarkıları
Biz kimiz
Facebook
Twitter
Baalantı
Copyright ©2013 - Tüm hakları saklı tutulmaktadır.
Bu sitede yayınlanan tüm resim, materyal ve içeriğin telif hakları tarafımızca saklı olup izinsiz alınıp kullanılamaz.
0,09ms