Bugün - 23 Kasım 2017 Perşembe
Foto Galeri
Video Galeri
Biz kimiz
Reklama
Gagauz Şarkıları
Aza Ol
 Bize Ulaşın
www.meydangazetasi.com Logo
-
Hava Komrat °C
Haber Detayları

Mass-mediya gagauz dilinin ilerlemäk faktorudur

-1

Arşiv Haberi - 29 Haziran 2013 Cumartesi - 14:45
-1
Resmi küçültmek için üzerini tıklayın...
Eni lafların peydalanmak probleması herzaman meraklandırardı lingvistleri. Ama en büük diişilmeklerin vakıtlarında, açan ekonomika, politika, kultura bölümnerindä diişilmeklär olardı,  laflıklarda da eniliklär gösterilärdi, butakım sözlüklär eni laflarlan zenginnärdilär. Sözlüün intensiv  eni laflarlan doldurulması ?  o faktor, angısı belli eder  dilin durumunu. Jurnalistikanın profesional dili ? o dillerin birisi, maasuz neetlär için, angısı izmet eder maasuz bilgilerä hem zanaatlara. Ölä, diil doludan aaraştırılı mass-media işçilerin maasuz leksikanın işlemäk özellikleri, angılarını kullanêrlar türlü tekst stillerindä. İşin  enilii onda, ani ilk kerä aaraştırıldılar mass-medianın maasuz leksikanın inovaṭiyaları dilin ilerlemäk yolunda. İlk kerä yapıldı analiz mass-medianın maasuz dil leksikasına. Mass-medianın dili önemni rolü oynêêr gagauz dilin ilerlemesindä hem dä yaşayannar  üürenmiş olsunnar. Mass-medianın davası göstermää  dilin gözelliini, zenginniini. Mass-medialar lääzım dooru kullansınnar ana dilini, neçinki gençlär şindiki vakıtta çok er vererlär televizion siiretmesinä, radio seslemesinä.   Tekstleri hazırlayarkana, jurnalist karşı geler zorluklan, nicä annatmaa nesoysa eni  işi yada olayı, neçinki gagauz dilndä yok maasuz laflıklar yada nesoysa spravoçniklär, neredä toplu eni terminnär. Bu üzerä jurnalistlär, toplanıp bireri,  düşünerlär da kendileri eni terminneri kurêrlar. Bu problemayı mass-media işçileri açıkladılar kendi programalarında da. Jurnalistikada çalışannar ayırêrlar terminneri, angılar  yakışıklı olaceklar hem da onnarı hepsi avtonomiya yaşayannarı annayaceklar. Ama var taa bir problema, ani yok birtürlü bakış. Da bu üzerä mass-medialarda herkezi türlü-türlü terminneri kullanêr.
Örnek: teleradioda kullanêrız üüretim bakannıı, ama gazeta kullanêr üüredici upravleniyası. Peydalanêr soruş: angı termin dooru hem angısını lääzım kullanmaa?  Praktika tarafından paalılıı onda, ani bir bölük terminnerini, angıları jurnalistikada kullanêrlar, açıkladık  hem dä belli ettik. Onnarın arasında ölä terminnär, angılarını  kullanêrlar  tele- hem radioefirdä, gazeta hem jurnal     statyalarını  yazarkana. O ölä terminnär nicä: ?korespondenṭiya?, ?oçerk?,? reportaj?, ?intervyu? hem başka. Taa bir fayda onda, ani toplu terminnär hertürlü sferalardan alındılar, onnarı jurnalist kendi sözündä kullanêr. Bu terminnerin çoyu  kuruldu taman jurnalistlerin yardımınnan, onnarın sözündä ilk sefer çıktılar efirä, yada onnarı okuyucular gazeta sayfalarında okudular.
Aaraştırmanın haberlerinä görä bitki vakıt 70-80%  haberleri kullanıcılar kabelderlär radio hem televizionun yardımınnan, da sade 20-30% ? gazetalardan hem jurnallardan. İşin teoriya tarafından paalılıı onda, ani onu var nicä kullanmaa yazarkana bilim statyalarını, termin laflıkları kurarkana. Jurnalist  ayırmêêr kendisinä auditoriya, o izmet eder hem işleer o dildä, angısını cümnä ayırêr.  Bu üzerä mass-medialar dil kullanılmasında hem ilerlemesindä büük  rol oynêêr.
Natalya Andrieş
 
Anahtar Kelimeler:arsiv,
Kaynak / Editör: İHA -
 
Yorumlar
*** Yorum Yaz
Bu habere hiç yorum yapılmamış, ilk yorumu siz yapın.

Diğer Arşiv Haberleri

Diğer Başlıklar

Türkiye'den GRT'ye teknik yardım
Общество турецко-молдавской дружбы издало более 34 тысяч экземпляров гагаузских книг
Türk Dünyasında Kadın
İvan ÇELAK – BALLAD
EVROPADAKİ TÜRK SOLUU GAGAUZLAR 1. BÖLÜM
EVROPADAKİ TÜRK SOLUU GAGAUZLAR 2. BÖLÜM
EVROPADAKİ TÜRK SOLUU GAGAUZLAR 3. BÖLÜM
EVROPADAKİ TÜRK SOLUU GAGAUZLAR 4. BÖLÜM
EVROPADAKİ TÜRK SOLUU GAGAUZLAR 5. BÖLÜM
E-kitap

Meydan Fm

Sesi duyabilmek için, videoları izlerken Meydan FM'i durdurunuz lütfen.

E-Gazeta
Anket

Meydan! gazetası nasıl olmuş?


  
Beendim498 Kişi (% 85 )
  
Pek beenmedim35 Kişi (% 6 )
  
Çoktan lääzımdı olsun56 Kişi (% 10 )

Toplam 589 Kişi

Röportajlar
BİZİM ECEL İSTORİYALARIMIZ
İVAN RODİONOVİÇ KELEŞ – UZBEKİSTAN NEFTEGAZ SFERASININ İLERLENMESİNDÄ BÜÜK KATKIDA BULUNANNARDAN BİRİSİUzbekistanda İvan Keleş yaş&e...
»
»
Kim Kimdir
Anasayfa
Site Haritası
Sitenize Ekleyin
RSS Kaynağı
Hakkımızda
Reklama
Gagauz Şarkıları
Biz kimiz
Facebook
Twitter
Baalantı
Copyright ©2013 - Tüm hakları saklı tutulmaktadır.
Bu sitede yayınlanan tüm resim, materyal ve içeriğin telif hakları tarafımızca saklı olup izinsiz alınıp kullanılamaz.
0,06ms