Bugün - 21 Eylül 2017 Perşembe
Foto Galeri
Video Galeri
Biz kimiz
Reklama
Gagauz Şarkıları
Aza Ol
 Bize Ulaşın
www.meydangazetasi.com Logo
-
Hava Komrat °C
Haber Detayları

Meydan Toplantısı

Baş redaktor İvanna Köksal hepsimizi selämnedi hem şükür etti, ani ana dilimizin ilerlemesi için faydalı bir iş üzä çıkarabileriz. ?Yarım yılın içindä yaptıklarımıza bakarak, göreriz, ani birliktä büük iş yapılabiler, ? söledi redaktor.

ÜÜRENMÄK Haberi - 25 Eylül 2013 Çarşamba - 12:51
Baş redaktor İvanna Köksal hepsimizi selämnedi hem şükür etti, ani ana dilimizin ilerlemesi için faydalı bir iş üzä çıkarabileriz. ?Yarım yılın içindä yaptıklarımıza bakarak, göreriz, ani birliktä büük iş yapılabiler, ? söledi redaktor.
Resmi küçültmek için üzerini tıklayın...

Baş redaktor İvanna Köksal hepsimizi selämnedi hem şükür etti, ani ana dilimizin ilerlemesi için faydalı bir iş üzä çıkarabileriz. ?Yarım yılın içindä yaptıklarımıza bakarak, göreriz, ani birliktä büük iş yapılabiler, ? söledi redaktor. Kısa vakıtta gazetamız artık oldu tanınan, beklenän hem istenilän. İleri dooru da yolumuz açık olsun, aramıza taa çok yazannar katılsın, çünkü bu gazeta halkın, hepsimizin gazetası?. Toplantıya katılamadı gazetanın bütün finans tarafını karşılayan Rafet Köksal, ama hepsi şükür etti ona, ani var kolaylık yazmaa, açıklamaa dolayda olannarı, içimizi dürtenneri hem daatmaa yazdıklarımızı insannarın ellerinä. Lääzım nışannamaa, ani ?Meydan? gazetası çıkêr ayda bir kerä, 12-sayfalık, renkli hem poşta bölümnerindän daadılêr adresatlara parasız. Kablederlär onu bütünnä Gagauziyada, Kişinövda, Ukraynada, Türkiyedä, Moskvada h. b. erlerdä yaşayan gagauzlar. Şindilik tiraj 4000 bin, ama en yakın zamannarda taa zeedelenecek. Pek sevindik hepsimiz, bir araya gelip, yaptıımız iş için lafetmää, ama bizi taa da sevindirdi o moment, açan baş redaktor baaşladı bizä ?Meydan? gazetasının adından vizit kartlarını hem birär gözäl suvenir. Masa başında oturuşumuz uzadı, ama pek faydalıydı. Hepsi katılannar kendi bakışlarını hem tekliflerini açıkladılar. Kostantin KURDOGLO, korespondent Bän çoktan beklärdim bu buluşmayı. En ilkin hepsinnän taa yakından tanışmaa hem serbest atmosferada lafetmää deyni. İkinci ? artık geldi vakıt açıklamaa, nasıl yapêrız işimizi, ne problemalar önümüzä çıkêr. Neçin deyni kär bölä dostluk buluşmalarında peydalanêr eni ideyalar, koyulêr eni daavalar. Bän çok gezerim gagauz küülerindä, buluşêrım insannan. İsteerim sölemää, gazetamızı halk artık kabletti, bunu söleer okuyucularımız. Bu pek islää, biz ileri dooru da düşer çıkaralım meraklı, okunan, renkli gazetayı. Teklif ederim eklemää birkaç eni rubrika istoriya için, şindiki zamanda yaşamamız için, din yazıları için. Onnar önemni diil sade haberlemäk için, ama terbiyetmäk için dä. Şükür ederim baş redaktorumuza onun profesionalizması için, gazetanın neetlerini hem daavalarını dooru koyması için hem bizi pek islää annaması için. Çünkü o çalışêr, bulup kolaylık, bizi yollamaa aşırıya konferenţiyalara, gazetacılar toplantılarına da. Umutlanêrım, ani ileri dooru da hep bölä annaşmaklan yaradacez okuyucular için. Petri ÇEBOTAR, gazetanın korektoru Bän, nicä korektor, eldän hem gözdän geçirerim hepsini yazıları, savaşêrım kaçırmamaa yannışlık, şindiki kurallara görä düzeltmää orfografiyayı, punktuațiyayı, sintaksisi hem biraz stilistikayı, ani tekstlär olsun ?taa gagauzça?, taa kolay annaşılsın okuyuculara. Doorudan lääzım sölemää, ani bu uurda dilimizdä var taa çözülmedik problemalar. Gazetamızın tematikası geniş: kultura, incäzanaat, literatıra, folklor, üüredicilik, istoriya, sport h. b. Anılmış hem sıradan insannarlan intervyular, aklına getirmeklär, reportajtar. Ayırı köşä veriler uşaklara. Sade politika işleri hem türlü kavgalar kalêr bir tarafta. Bu ? redakțiyanın pozițiyası hem konțepțiyası. Bizim buluşmamız hem tanışmamız taa bir kerä gösterdi bana, ani ?Meydanda? çalışannar ? açık ürekli, cana yakın insannar. Onnar savaşêrlar yanar gözlärlän biri-birinä yardım etmää, saymêêrlar zaametini. Aramızda yok haseetlik, kıskançlık, fitlemäk. Bölä pozitiv atmosferayı koruyarsak, gazeta tamannayacek misiyasını, biz dä çalışacez raat hem hoşlanarak. Galina MARESYEVA, jurnalist Nicä teleradiojurnalist, isteerim sölemää, ani gazeta, angısının ilerlenmesindä bän dä pay alêrım, populär oldu insan arasında. Sanêrım, söleyecäm hepsinin düşündüklerini, sölärsäm baş redaktorun hem kurucunun İvanna Köksalın kaliteli hem dooru neetli çalışması için. Hepsi gazetaya yazannar, kontrol edennän ? profesionnallar. Hepsinin çok yıllık iş zaametleri var. Burada anılmış peetçilär, yazıcılar, tarihçilär, üüredicilär, bilim uzmannarı, angıları bilerlär, nasıl lääzım vermää haberi okuyucuya. O üzdän bana pek meraklı geler burada bulunmaa, bir parça faydamı paylaşmaa. Bölä buluşmalarımız da adet gibi aramızda kurulsun, isteerim. Toplanıp bir erä, biz belli ederiz iisiklerimizi, problemalı erleri hem bol-bol açıklêêrız yaptıı işlerimizi. Yılın bitkisindä beki kutlayacez hem belli edecez en ii jurnalistleri h. b.

 
Anahtar Kelimeler:arsiv,
Kaynak / Editör: İHA -
 
Yorumlar
*** Yorum Yaz
Bu habere hiç yorum yapılmamış, ilk yorumu siz yapın.

Diğer ÜÜRENMÄK Haberleri
GAGAUZİYA BÜÜNKÜ GÜNDÄ

Diğer Başlıklar

Türkiye'den GRT'ye teknik yardım
Общество турецко-молдавской дружбы издало более 34 тысяч экземпляров гагаузских книг
Türk Dünyasında Kadın
İvan ÇELAK – BALLAD
EVROPADAKİ TÜRK SOLUU GAGAUZLAR 1. BÖLÜM
EVROPADAKİ TÜRK SOLUU GAGAUZLAR 2. BÖLÜM
EVROPADAKİ TÜRK SOLUU GAGAUZLAR 3. BÖLÜM
EVROPADAKİ TÜRK SOLUU GAGAUZLAR 4. BÖLÜM
EVROPADAKİ TÜRK SOLUU GAGAUZLAR 5. BÖLÜM
E-kitap

Meydan Fm

Sesi duyabilmek için, videoları izlerken Meydan FM'i durdurunuz lütfen.

E-Gazeta
Anket

Meydan! gazetası nasıl olmuş?


  
Beendim497 Kişi (% 85 )
  
Pek beenmedim35 Kişi (% 6 )
  
Çoktan lääzımdı olsun56 Kişi (% 10 )

Toplam 588 Kişi

Röportajlar
BİZİM ECEL İSTORİYALARIMIZ
İVAN RODİONOVİÇ KELEŞ – UZBEKİSTAN NEFTEGAZ SFERASININ İLERLENMESİNDÄ BÜÜK KATKIDA BULUNANNARDAN BİRİSİUzbekistanda İvan Keleş yaş&e...
»
»
Kim Kimdir
Anasayfa
Site Haritası
Sitenize Ekleyin
RSS Kaynağı
Hakkımızda
Reklama
Gagauz Şarkıları
Biz kimiz
Facebook
Twitter
Baalantı
Copyright ©2013 - Tüm hakları saklı tutulmaktadır.
Bu sitede yayınlanan tüm resim, materyal ve içeriğin telif hakları tarafımızca saklı olup izinsiz alınıp kullanılamaz.
0,08ms