Bugün - 23 Kasım 2017 Perşembe
Foto Galeri
Video Galeri
Biz kimiz
Reklama
Gagauz Şarkıları
Aza Ol
 Bize Ulaşın
www.meydangazetasi.com Logo
-
Hava Komrat °C
Haber Detayları

HALKLARARASI KIBATEK YAZ LİTERATURA BULUŞMASI

Her yıl İzmirdä (Türkiyä) adetçä toplanêrlar türk dillerindä yazan peetçilär, yazıcılar. Bu organizaţiyayı yapêr halklararası kurum KIBATEK. Bu yıl avgust ayın 16-18 İzmirä geldilär on devlettän katılannar.

ÜÜRENMÄK Haberi - 25 Eylül 2013 Çarşamba - 12:51
Her yıl İzmirdä (Türkiyä) adetçä toplanêrlar türk dillerindä yazan peetçilär, yazıcılar. Bu organizaţiyayı yapêr halklararası kurum KIBATEK. Bu yıl avgust ayın 16-18 İzmirä geldilär on devlettän katılannar.
Resmi küçültmek için üzerini tıklayın...

Her yıl İzmirdä (Türkiyä) adetçä toplanêrlar türk dillerindä yazan peetçilär, yazıcılar. Bu organizaţiyayı yapêr halklararası kurum KIBATEK. Bu yıl avgust ayın 16-18 İzmirä geldilär on devlettän katılannar. Türkiyä delegaţiyalarından kaarä, pay aldılar grupalar ölä devletlerdän, nicä Azerbaycan, Kipru, Albaniya, Bulgariya, Greţiya, Siriya, İran, Moldova (Gagauziya). Büük havezlän hem sevinmeliklän burada pay aldı Gagauziyadan ?Meydan? gazetasının yazarı Konstantin Kurdoglo. Üç gün sıravardı katılannar açıkladılar dokladlarını kendi devletlerindä ana dilleri, literatura, kultura, teatru, üürenmäk, incäzanaat durumnarı için, okudular peetlerini. Buluşmaları götürdü başkan Feyyaz Saglam. Bu yıl KIBATEK musaafirlerini sıcak karşıladı Seferihisar primariyası ?Club Resort Atlantis? otelindä. İlk günü programa başladı Seferhisar primariyasında buluşmaklan, neredä karşılama hem kutlama sözünnän gelennerä danıştı primar yardımcısı Nilgün Durmazer. Sora herkez şükür etti bölä organizaţiya için, musaafirlär annattılar, nekadar büük katkıda bulunêr KIBATEK kurumu türk dilli literaturanın ilerlenmesindä, aşırı devetlerdän yazıcıların biri-birinnän buluşmasında, dostluklar edenilmesinda. Musaafirlär şükür ettilär, ani KIBATEK çok yardım eder yazarlara kiyatlarını dünneyä tanıtmaa. Buluşmanın bitkisindä hepsi biri - birinä baaşladılar yannarında getirilän kiyat, gazeta, şiir toplumnarını hem kablettilär primariyanın baaşışlarını. KIBATEK 9-cu toplantısı musaafirleri için kabledän taraf meraklı kultura hem gezi programasını da hazırladı. Deniz kenarlı İzmir kasabasının tarih erlerini, muzeyleri hem kultura parkları dinnendirdi peetçileri. Programanın en meraklı saatları, ?Gala gecesi?, yapıldı açık havada hem gözäl atmosferada Egey denizin kenarında. KIBATEK Dernek Başkan Yardımcısı Gazi Keskin hem Dogçekder Başkanı Abdullah Bolulu selämnedilär musaafirleri, bundan sora dernek genel başkanı Dr. Mevlüt Kaplan açılış sözünü söledi. Geç vakıda kadar peet okumaklarını sţenada diiştirärdi Türkiyenin türkücüleri. Elbetki gözäl karşılandı bu avşam Gagauziyadan selämneri getirän Konstantin Kurdoglo. O okudu kendi peetlerini, angılarının maanasını hepsi raat annadı, çünkü gagauzça pek yakın türk dilinä. Programanın bitkisindä KIBATEK başkanı Feyyaz Saglam hem Seferihisar primarı Tunç Soyer kutladılar hepsi musaafirleri, verdilär baaşışları hem KIBATEK, Dogçekder dernek hem primariyanın adlarından diplomnarı, plaketlerı. Topluca bir patret yapılmasından sora iş programası kapandı. Bölä buluşmalar şüpesiz büük fayda getirerlär kulturaya izmet verennerä, özelliklän genç yazıcılara, kultura işçilerinä. Eni dostluklar, yaratmalarlan paylaşmalar, kultura tanıtmaları ? önemni faktor ana dilini korumaa deyni. KIBATEK büük hem zor iş yapêr türk dilli toplumnarın literaturalarına, profesionalca çevirereräk şiir toplumnarını hem yardım ederäk onnarı tiparlamaa. Bir yazar için bölä baaşıştan taa paalı bişey yok. Bu toplantıya Gagauziyadan katılmaa kolaylık oldu deyni, şükür ederim ?Meydan? gazetasının baş redaktoruna, ani hepsi lääzımnı finans harcamalarını üstünä aldı. Saa olsun, çünkü başka türlü bu yolculuk olmayaceydı.

 
Anahtar Kelimeler:arsiv,
Kaynak / Editör: İHA -
 
Yorumlar
*** Yorum Yaz
Bu habere hiç yorum yapılmamış, ilk yorumu siz yapın.

Diğer ÜÜRENMÄK Haberleri
GAGAUZİYA BÜÜNKÜ GÜNDÄ

Diğer Başlıklar

Türkiye'den GRT'ye teknik yardım
Общество турецко-молдавской дружбы издало более 34 тысяч экземпляров гагаузских книг
Türk Dünyasında Kadın
İvan ÇELAK – BALLAD
EVROPADAKİ TÜRK SOLUU GAGAUZLAR 1. BÖLÜM
EVROPADAKİ TÜRK SOLUU GAGAUZLAR 2. BÖLÜM
EVROPADAKİ TÜRK SOLUU GAGAUZLAR 3. BÖLÜM
EVROPADAKİ TÜRK SOLUU GAGAUZLAR 4. BÖLÜM
EVROPADAKİ TÜRK SOLUU GAGAUZLAR 5. BÖLÜM
E-kitap

Meydan Fm

Sesi duyabilmek için, videoları izlerken Meydan FM'i durdurunuz lütfen.

E-Gazeta
Anket

Meydan! gazetası nasıl olmuş?


  
Beendim498 Kişi (% 85 )
  
Pek beenmedim35 Kişi (% 6 )
  
Çoktan lääzımdı olsun56 Kişi (% 10 )

Toplam 589 Kişi

Röportajlar
BİZİM ECEL İSTORİYALARIMIZ
İVAN RODİONOVİÇ KELEŞ – UZBEKİSTAN NEFTEGAZ SFERASININ İLERLENMESİNDÄ BÜÜK KATKIDA BULUNANNARDAN BİRİSİUzbekistanda İvan Keleş yaş&e...
»
»
Kim Kimdir
Anasayfa
Site Haritası
Sitenize Ekleyin
RSS Kaynağı
Hakkımızda
Reklama
Gagauz Şarkıları
Biz kimiz
Facebook
Twitter
Baalantı
Copyright ©2013 - Tüm hakları saklı tutulmaktadır.
Bu sitede yayınlanan tüm resim, materyal ve içeriğin telif hakları tarafımızca saklı olup izinsiz alınıp kullanılamaz.
0,09ms