Bugün - 23 Kasım 2017 Perşembe
Foto Galeri
Video Galeri
Biz kimiz
Reklama
Gagauz Şarkıları
Aza Ol
 Bize Ulaşın
www.meydangazetasi.com Logo
-
Hava Komrat °C
Haber Detayları

UŞAKLARIN KRİZİS ZAMANNARI

Uşak hep gelişer, büüyer. Herbir büümä proţesin dä var kendi özellikleri, kimär kerä birdän diişilmekleri dä, bunnara – krizis deeriz.

PSİHOLOGİYA Haberi - 09 Aralık 2013 Pazartesi - 17:29
Uşak hep gelişer, büüyer. Herbir büümä proţesin dä var kendi özellikleri, kimär kerä birdän diişilmekleri dä, bunnara – krizis deeriz.
Resmi küçültmek için üzerini tıklayın...

 Krizislär sıkça ilerleerlär, üzä çıkararak harakterin negativ taraflarını. Büüklär başlêêrlar aalaşmaa, ani uşaan önünä çıkmaa zor oldu, o başladı fasıl, annaşılmaz kendini götürmää.

Elbetki ana-bobalar savaşêrlar bu durumda düzeltmää kaprizleri, inatlıını. Karannık köşeyä sansın dayanêrız: uşak savaşêr kurtarmaa kendini, yaşayarak krizisini, ana-bobalar da savaşêrlar düzeltmää uşaa. Küçüklük zamanında var birkaç türlü yaş krizisleri:

¨ duuma krizisi;

¨ ilk yaş krizisi;

¨ 3 yaşında – kundaklıktan şkola öncesi zamanına geçiş;

¨ 7 yaşında – şkola öncesi zamanından şkola zamanına geçiş;

¨ 13 yaşında – gençlik zamanına geçiş.

Zaman sınırları var nasıl diişsin uşaan büümesinä hem gelişmesinä görä.

 

                          Nasıl annamaa 3 yaş krizisini krizis sebepleri, Yada «BäN KENDİM!»      

 

İNATLIK, yada «BÄN» BÖLÄ İSTEERİM. Bu inatlık çizgisi geçer uşaan bütün yaptıklarından. O hesaba almêêr başkaların sölediklerini, yaptırêr sade kendi  dediklerini.

ÇILDIRMAK. Uşak sık çıldırarak yaptırêr istediini (taa sık bunu kalabalık erlerdä yapêr).

İŞİTMÄMEZLİK. Uşak istämeer yapmaa büüklerin sölediklerini, sansın hiç işitmeer onnarı. Bu moment taa sık karşı geler o aylelerdä, neredä birkaç kişi savaşêr terbiyetmää evladı: anası isteer bir iş, bobası – başka iş, babusu da hepsinä izin verer.

SERBESTLİK. Uşak koyêr neetinä bişey da savaşêr, engelleri geçip, onnarı  tamannamaa.  Atılmayarak istediindän, kullanêr türlü metodları, angıları var nasıl dokunsun analara-bobalara (yalpak yalvarmak, mizlemäk, korkutmak, kapriz h. b.)

DENGESİZLİK. Uşak başlêêr sölenmää, kanırmaa hem azarlamaa ana-bobalarını.

DESPOTİZMA. Uşak zorladêr büükleri, nasıl istärselär, ama yapsınnar hepsini onun dediklerini. Küçük kardaşlarına yada kızkardaşlarına despotizma gösteriler nicä kıskançlık.

NEGATİVLİK, yada HEPSİ TERSİNÄ. Bu diil sade seslämemäk, ani sık olêr uşaklarda 1 hem 2 yaşında da, аma bu büük istemäk yapmaa hepsini tersinä. Ne dä sölesän uşaa, o hep okadar dediklerinin taman  tersini yapêr.

 

NE YAPMAA ANA-BOBALARA, Kİ YARDIM ETMÄÄ UŞAA ATLATMAA 3 YAŞ KRİZİSİNİ:

 

¨ Kendiniz için bir poziţiya belli edin, olun taa yımışak, genişletin uşaan haklarını hem sorumnuluklarını.  

¨ Brakın uşak taa pek kendibaşına olsun. Savaşın pek karışmamaa   (duruma görä) uşaan işlerinä, eer o yardım istemäzsä.

¨ Tutun aklınızda, ani uşak neredäysä deneer Sizin harakterinizin çetinniini, deneer bunu birkaç kerä gündä, sanki halizdän mi ne sabaalen brakmadılar yapmaa, acaba avşamnen dä mi brakmayaceklar. Gösterin çetinniinizi. Koyun belli yasakları, ama onnar diil lääzım çok olsun. Butürlü kuralları uşaklara deyni bütün aylä belli etmeli.

¨ Bu yaşta uşaklar çok lafları hem yaptıkları, büüklerdän görüp, tekrarlêêr, o üzdän kendinizä dikkat edin.

¨ İnatlık krizisindä, gücenik olduunda denäyin aldatmaa uşaa, dikkatını başka bişeyä daadarak.

¨ Açan uşak üfkelener, isterikaya girer, bu sırada ona faydasız sölemää, ani bölä diil islää, ani hiç gözäl durmêêr, brakın bu işi biraz soraya, açan uşak uslanacek.

¨  Uşaan başarılı büümesi için, islää olacek arada-sırada sölemää, nekadar o artık büük oldu, onunnan  «bızbıklanmayın», savaşmayın yapmaa hepsini küçüün erinä. Lafedin onunnan nicä kendi akranınızlan, nicä büük  insannan, kimin lafı Sizä pek meraklı geler.

 

 

 Lüdmila Kılçik, psiholog

 
Anahtar Kelimeler:TANIŞALIM, 3, YAŞ, KRİZİSİNNÄN, YADA, «BÄN, KENDİM»,
Kaynak / Editör:
 
Yorumlar
*** Yorum Yaz
Bu habere hiç yorum yapılmamış, ilk yorumu siz yapın.

Diğer PSİHOLOGİYA Haberleri

UŞAKLIK ZAMANIN KRİZİSLERİ... YAKINDA OKULA, YADA 7 YAŞ КRİZİSİ
UŞAKLARIN KRİZİS ZAMANNARI
Diğer Başlıklar

Türkiye'den GRT'ye teknik yardım
Общество турецко-молдавской дружбы издало более 34 тысяч экземпляров гагаузских книг
Türk Dünyasında Kadın
İvan ÇELAK – BALLAD
EVROPADAKİ TÜRK SOLUU GAGAUZLAR 1. BÖLÜM
EVROPADAKİ TÜRK SOLUU GAGAUZLAR 2. BÖLÜM
EVROPADAKİ TÜRK SOLUU GAGAUZLAR 3. BÖLÜM
EVROPADAKİ TÜRK SOLUU GAGAUZLAR 4. BÖLÜM
EVROPADAKİ TÜRK SOLUU GAGAUZLAR 5. BÖLÜM
E-kitap

Meydan Fm

Sesi duyabilmek için, videoları izlerken Meydan FM'i durdurunuz lütfen.

E-Gazeta
Anket

Meydan! gazetası nasıl olmuş?


  
Beendim498 Kişi (% 85 )
  
Pek beenmedim35 Kişi (% 6 )
  
Çoktan lääzımdı olsun56 Kişi (% 10 )

Toplam 589 Kişi

Röportajlar
BİZİM ECEL İSTORİYALARIMIZ
İVAN RODİONOVİÇ KELEŞ – UZBEKİSTAN NEFTEGAZ SFERASININ İLERLENMESİNDÄ BÜÜK KATKIDA BULUNANNARDAN BİRİSİUzbekistanda İvan Keleş yaş&e...
»
»
Kim Kimdir
Anasayfa
Site Haritası
Sitenize Ekleyin
RSS Kaynağı
Hakkımızda
Reklama
Gagauz Şarkıları
Biz kimiz
Facebook
Twitter
Baalantı
Copyright ©2013 - Tüm hakları saklı tutulmaktadır.
Bu sitede yayınlanan tüm resim, materyal ve içeriğin telif hakları tarafımızca saklı olup izinsiz alınıp kullanılamaz.
0,25ms