Bugün - 30 Nisan 2017 Pazar
Foto Galeri
Video Galeri
Biz kimiz
Reklama
Gagauz Şarkıları
Aza Ol
 Bize Ulaşın
www.meydangazetasi.com Logo
-
Hava Komrat °C
Haber Detayları

Dekabri ayın 8-dä Beşalma küüyün Mina Kösänin adına lițeyindä geçti yortu, baalı “SEDEF” folklor kollektivin 15-ci yıldönümünnän.

KULTURA Haberi - 27 Ocak 2014 Pazartesi - 14:03
 Dekabri ayın 8-dä Beşalma küüyün Mina Kösänin adına lițeyindä geçti yortu, baalı “SEDEF” folklor kollektivin 15-ci yıldönümünnän.
Resmi küçültmek için üzerini tıklayın...

  1975 yılda “Sefa” folklor kolektivi  kendi yaratma yolunu başladı, angısını götürärdi  Avram Petroviç Kösä. Kuybışevda horeografiya uçilişçesini  başarıp, Avram Petroviç Beşalmadan en talantlı  muzıkacıları, türkücüleri  hem oyuncuları gözäl bir  kolektivä topladı, angısına verdi  ad “SEFA”. 1976 yılda bu  kolektiv kazandı  ad “Halk kolektivi”.  Kolektivdä vardı üç grupa oyuncu, folklor grupası  hem moldovan halk instrumentleri orkestrası “Taraf”.

  1990-cı yıllaradan kolektiv dayma pay alardı  hem Komratın, hem Kişinövun büük sţenalarında türlü  muzıka hem oyun göstermeklerindä. Bunnardan kaarä, burayı  girärdi gagauz halkın adetlerini açıklayan sţenkalar. Hiç bir kerä dä gelmäzdilär evä baaşışsız. Üç yılda bir kerä “Halk  kolektivi” adını koruyardılar. Bitki sıra bu    käämil  kolektiv çıktı sţenaya 1991 yılda. Ondan sora, nica Avram Petroviçi  geçirdilär  Komrada işlemää, Beşalmada enidän kuruldu “SEFA”, ama bu  sıra sade uşak oyun kolektivi. Onu başlattı Pötr Pavloviç Çolak.

   1998 yılda ilk “SEFA” folklor kolektivinä girän insannarın arasından toplanıp kuruldu “SEDEF” folklor kolektivi, angısı  2004 yılda seftä kazandı  adı “Örneklik kolektivi” (“Obrazţovıy kolektiv”).  

   2001 yılda Kişinövda yazıldı kolektivin türkülerinnän audiokaseta, nereyi girdiydi 26 gagauz halk türküsü hem baladası. O kasetalar insana baaşlanardılar anılmış aaraştırıcının M. Durbaylonun “Gagauz halk türküleri” kiyadınnan komplekttä.

   2008 yılda enidän bu  kolektiv “Obrazţovıy” adını kazandı, da ona verildi I-ci kategoriya. 

   «Sedef» büünkü günädän korudu  kendi  adını  nica  folklor  kolektivi, angısının  repertuarında toplu gagauz halkın türküleri, oyunnarı hem zengin adetlerin göstermekleri. Bütün yaratma yolunda  kollektiv pay alêr Beşalmada  D.N. Kara Çoban adına İstoriya hem Etnografiya muzeyin işindä da.

   Folklor kolektivi  “SEDEF” muzey zaametçilerinnän barabar pay  alêr yortulu  buluşmaların hazırlamalarında,  karşılayarak anılmış musaafirleri, üüsek  uurda adamnarı hem delegaţiyaları.

   Göstermelerinnän pay  aldılar: 2002 yılda  Pridnestrovyada Tiraspol kasabanın günün  yortusunda; 2006 yılda   Romıniyada halklararsı  “Nevruz” festivalindä; 2010 yılda  Zatokada “Kasım” yortusunda; hep o 2010 yılda – Kişinövda geçän Evropa günnerin etnokultura festivalindä hem çok taa başka erlerdä dä.

   Bu gündä “SEDEFin” hepsi 22 azaları toplandı, kimin kuvedinnän çalışmamız çekettirildi, aramızda yoktu sade Kırboba (Karaçeban) Akulina Födorovna, angısını biz pek sevärdik (o geçindi 2008 yılda). Yortumuza geldilär Gagauziya Başkanın yardımcısı N.M. Stoyanov, Kultura Bakannıından – V.F. İvanenko. Musaafirlär Başkanın M.M. Formuzalın hem Kultura Bakannıın Başın V.Gçukun adından kutlamakları getirdilär. Konțerttä pay aldılar saygılı, sevgili, anılmış musaafirlär: “SEVDA” folklor kolektivi (Kazayak), türkücülär: Lüdmila Tukan, Karina Kadın (Baurçu), İvan Tanasoglo (Tomay), oyun kolektivi “KARANFİL” (Beşalma), akordeoncu İvan Uzun (Beşalma), M. Kösä adına lițeyin üüredicileri hem üürenicileri. Bu gözäl buluşmayı götürdü bizim sevgili Valentina Varban (Çeban). Primar V.İ. Moş hepsinä verdi diplomnarı hem şükürlük gramotalarını gagauz kulturasının ilerlemesindä yardımnarı için.

   Kolektivimiz küçük, çalışma stajımız küçük – sade 15 yıl. Dua ederiz Allaa kuvetlesin hem yardımnasın “SEDEFin” azalarını hem hepsini insannarı, kim izmet eder kulturaya.

 

Lüdmila Marin

 

Haberin Diğer Fotoğrafları
 
Anahtar Kelimeler:, Dekabri, ayın, 8dä, Beşalma, küüyün, Mina, Kösänin, adına, lițeyindä, geçt,
Kaynak / Editör:
 
Yorumlar
*** Yorum Yaz
Bu habere hiç yorum yapılmamış, ilk yorumu siz yapın.

Diğer KULTURA Haberleri
İvan ÇELAK – BALLAD
EVROPADAKİ TÜRK SOLUU GAGAUZLAR 1. BÖLÜM
EVROPADAKİ TÜRK SOLUU GAGAUZLAR 2. BÖLÜM

EVROPADAKİ TÜRK SOLUU GAGAUZLAR 2. BÖLÜM
EVROPADAKİ TÜRK SOLUU GAGAUZLAR 3. BÖLÜM
EVROPADAKİ TÜRK SOLUU GAGAUZLAR 4. BÖLÜM
EVROPADAKİ TÜRK SOLUU GAGAUZLAR 5. BÖLÜM
EVROPADAKİ TÜRK SOLUU GAGAUZLAR 6. BÖLÜM
Diğer Başlıklar

Türkiye'den GRT'ye teknik yardım
Общество турецко-молдавской дружбы издало более 34 тысяч экземпляров гагаузских книг
Türk Dünyasında Kadın
İvan ÇELAK – BALLAD
EVROPADAKİ TÜRK SOLUU GAGAUZLAR 1. BÖLÜM
EVROPADAKİ TÜRK SOLUU GAGAUZLAR 2. BÖLÜM
EVROPADAKİ TÜRK SOLUU GAGAUZLAR 3. BÖLÜM
EVROPADAKİ TÜRK SOLUU GAGAUZLAR 4. BÖLÜM
EVROPADAKİ TÜRK SOLUU GAGAUZLAR 5. BÖLÜM
E-kitap

Meydan Fm

Sesi duyabilmek için, videoları izlerken Meydan FM'i durdurunuz lütfen.

E-Gazeta
Anket

Meydan! gazetası nasıl olmuş?


  
Beendim495 Kişi (% 84 )
  
Pek beenmedim35 Kişi (% 6 )
  
Çoktan lääzımdı olsun56 Kişi (% 10 )

Toplam 586 Kişi

Röportajlar
BİZİM ECEL İSTORİYALARIMIZ
İVAN RODİONOVİÇ KELEŞ – UZBEKİSTAN NEFTEGAZ SFERASININ İLERLENMESİNDÄ BÜÜK KATKIDA BULUNANNARDAN BİRİSİUzbekistanda İvan Keleş yaş&e...
»
»
Kim Kimdir
Anasayfa
Site Haritası
Sitenize Ekleyin
RSS Kaynağı
Hakkımızda
Reklama
Gagauz Şarkıları
Biz kimiz
Facebook
Twitter
Baalantı
Copyright ©2013 - Tüm hakları saklı tutulmaktadır.
Bu sitede yayınlanan tüm resim, materyal ve içeriğin telif hakları tarafımızca saklı olup izinsiz alınıp kullanılamaz.
0,08ms