Bugün - 21 Eylül 2017 Perşembe
Foto Galeri
Video Galeri
Biz kimiz
Reklama
Gagauz Şarkıları
Aza Ol
 Bize Ulaşın
www.meydangazetasi.com Logo
-
Hava Komrat °C
Haber Detayları

Zaman hayır olsun, saygılı okuyucular!

SAALIK Haberi - 05 Şubat 2014 Çarşamba - 14:53
Zaman hayır olsun, saygılı okuyucular!
Resmi küçültmek için üzerini tıklayın...

   Taa 15 yaşımda gördüydüm bir olay, angısı koydu benim önümä bir soruş: neçin insannar hastalanêrlar? Hem ne var nicä yapmaa, ki insan düşmesin bu hala?

  Benim kafadarımın anası pek hastaydı. Biz onu dolaştık bolnițada. Beni, taa uşaa, pek korkuttu o işlär, angılarını gördüydüm orada. Bundan sora bän annadım, ani hiç istämeerim benim anam-bobam bölä olaylara düşsün. Bän annardım, ani insana lääzım hem var nasıl yardım etmää, ama nicä – hiç yoktu annamam.

  Benim mamum çok yıl hastaydı, onun sçitovidkası (kalkan bezi) büüldüydü, hem orada çok kista olmuştu. Ana-boba hem yakın insannarın saalıkları için bän başladım aaramaa informaţiya, angısı yardımcı olacek onnara yaşamaa hastalıksız hem sevinmää herbir günä. Bän aldım kendi elimä bu işi da aaraştırardım yolları, angıları çözeceklär bu problemaları. Nicä deerlär: aarayan bularmuş. Allaa bana gösterdi bu kolay fiziologiya yolunu. Mamu yaptı profilaktika işlerini: çeketti içmää kaliteli diri su, pakladı, temizledi içini. Bundan sora o bolniţada yaptı UZİ hem enidän verdi analizlerini, angıları beni pek sevindirdilär. Onnar gösterdi, ani kistalar çok küçülmüşlär. İsteerim belli etmää, ani bu seftä bütün yaşamakta! Çok yıl anam yaşardı ilaçların yardımınnan, onnarsız hiç yoktu nasıl, ama şindi o onnarsız taa islää duyêr kendisini. Bu sonuç beni pek sevindirdi hem verdi umut yaşamaa. Ama hepsi taa ilerdä, biz lääzım taa işleyelim.

  İsteerim sizä annatmaa bobamın rezultatları için dä. O geçirdi insult, ama, şükür Allaha, dooruldu. Ama hep okadar bundan sora çeketti çok problemalar: davleniyası herkerä yukarı kalkardı, da ilaçsız hiç yoktu nicä yaşasın. Bu problemayı da biz çözdük, şindi hiç bilmeer dä, ne o davleniya kalkması. Yazın kalktı biraz şekeri kanında, ama bizim elimizdä var bilgi, angısının yardımınnan bobam kolay, ilaçsız getirdi onu normasına, o üzerä, ani her gün içärdi kaliteli, diri suyun normasını.

  Çok şükür ederim Allaha o bilgilär için, angısınnarı O bana verdi hem onnarın yardımınnan çok saalık getirdi benim anama hem bobama. Bu yaşamakta var sade iki yol: ya biz kendimiz, akıllı, ilin yaptıklarımızlan control ederiz kendi saalıımızı, ya da başka insannar bizim çok paramızlan kontrol edeceklär bizim hastalıklarımızı. İlk olayda biz saalıklıyız, ikincidä – biz hastayız. Bundan da çekiler yaşamanın kalitesi! Ama herkezi lääzım ayırsın kendisi: angı yoldan gitmää. Hem lääzım annamaa, ani yaşamanın herbir tarafı, angısı kontrol edilmeer, tez mi, geç mi, getirer problemalara!!! Bän seçtim kendimä deyni hem aylemä – kaliteli saalıklı yaşamak hastalıksız hem doktorsuz! Bu çok ii. Çok islää yaşamaa hem duymaa, ani bişey beni acılamêêr, da var nasıl sevinmää herbir eni günä gülüşlän üzündä. Benim paalı vakıdımı da bän harcamêêrım bolniţalara hem aptekalara. Bu duyguyu laflan pek zor sizä açıklamaa, saygılı okuyucular, bunu lääzım duymaa!

  Benim ilk zanaatım – üüredici. Ama işlediynän 3 yıl bu zanaatta, bän görmedim geleceemi hem meraklıım kaybeldi. Bän taa çok sevinmelik Kabul edärdim ozaman, açan yardım edärdim o insana, angısının haliz var umudu bendä. Onun için bän annadım, ani isteerim olmaa insane faydalı, yardım ederäk korumaa hem doorutmaa saalıını. Çünkü saalıktan kaarä bu dünnedä paalı yok bişey. Açan görersin insannarın sevinmeliini, şükürlü bakışını – bu en büük ödek yapılmış iş için, sade o bilgilär için, angılarınnan paylaştın. Diil boşuna var bir söleyiş: eer bilgi varsa, kolay korunmaa. Kardaşlarda Kliçko para mı yoktu, kurtarmaa kendi bobalarını? Yada Stiv Cobsta mı yoktu para? Onnarda bilgi yoktu. Eer siz şindi okuyarsanız bu sıraları, ozaman çıkêr, ani o sizä lääzım mutlak şindi. Çünkü informaţiya geler o vakıt, nezaman bizä lääzım. Onun için isteerim danışmaa Sizä, paalı okuyucular: eer Sizin saalıınız paalıysa Sizä, pek sevinecäm paylaşmaa kendi bilgilerimnän. Eer Sizä meraklıysa saalıın doorutmak hem korumak metodları, var nasıl danışasınız: tasmali85@mail.ru Fikirli seçim Sizä!!!

Dilerim saalık Sizä hem Sizin aylelerinizä, ko Allaa fikir versin hem doorutsun iilik yoluna! Kısmet hem annaşmak herbir evä, paalı gagauzlar!!!

Nina Tasmalı

 
Anahtar Kelimeler:Zaman, hayır, olsun, saygılı, okuyucular, ,
Kaynak / Editör:
 
Yorumlar
*** Yorum Yaz
Bu habere hiç yorum yapılmamış, ilk yorumu siz yapın.

Diğer SAALIK Haberleri

KİYADA dooru adımnar, yada NASIL uşaa sevdirtmää kiyadı
Diğer Başlıklar

Türkiye'den GRT'ye teknik yardım
Общество турецко-молдавской дружбы издало более 34 тысяч экземпляров гагаузских книг
Türk Dünyasında Kadın
İvan ÇELAK – BALLAD
EVROPADAKİ TÜRK SOLUU GAGAUZLAR 1. BÖLÜM
EVROPADAKİ TÜRK SOLUU GAGAUZLAR 2. BÖLÜM
EVROPADAKİ TÜRK SOLUU GAGAUZLAR 3. BÖLÜM
EVROPADAKİ TÜRK SOLUU GAGAUZLAR 4. BÖLÜM
EVROPADAKİ TÜRK SOLUU GAGAUZLAR 5. BÖLÜM
E-kitap

Meydan Fm

Sesi duyabilmek için, videoları izlerken Meydan FM'i durdurunuz lütfen.

E-Gazeta
Anket

Meydan! gazetası nasıl olmuş?


  
Beendim497 Kişi (% 85 )
  
Pek beenmedim35 Kişi (% 6 )
  
Çoktan lääzımdı olsun56 Kişi (% 10 )

Toplam 588 Kişi

Röportajlar
BİZİM ECEL İSTORİYALARIMIZ
İVAN RODİONOVİÇ KELEŞ – UZBEKİSTAN NEFTEGAZ SFERASININ İLERLENMESİNDÄ BÜÜK KATKIDA BULUNANNARDAN BİRİSİUzbekistanda İvan Keleş yaş&e...
»
»
Kim Kimdir
Anasayfa
Site Haritası
Sitenize Ekleyin
RSS Kaynağı
Hakkımızda
Reklama
Gagauz Şarkıları
Biz kimiz
Facebook
Twitter
Baalantı
Copyright ©2013 - Tüm hakları saklı tutulmaktadır.
Bu sitede yayınlanan tüm resim, materyal ve içeriğin telif hakları tarafımızca saklı olup izinsiz alınıp kullanılamaz.
0,08ms