Bugün - 23 Haziran 2017 Cuma
Foto Galeri
Video Galeri
Biz kimiz
Reklama
Gagauz Şarkıları
Aza Ol
 Bize Ulaşın
www.meydangazetasi.com Logo
-
Hava Komrat °C
Haber Detayları

MATEMATİKA ÜÜREDİCİSİ

CÜMNÄ Haberi - 07 Mart 2014 Cuma - 09:54
MATEMATİKA ÜÜREDİCİSİ
Resmi küçültmek için üzerini tıklayın...

     Valentina Nikolaevna Torlak (Yudina) Baurçuya işlemää geldi 1968-ci yılda, açan taman bitirdiydi Pedagogika uçilişçesini Krasnodarın Leningradskaya staniţasında. Ozamannar Valentina, nicä başka gençr, universitetlerini bitirdiktän sora in ayırardılar Sovet Birliin kasabalarını. Valentina Yudina yollandı Moldaviyaya. Elbetki, onun in burası pek uzaktı ana evindän, ama o pek beendi üüretmää gagauz aklarını. Kendi ini sevän sayız yabancı üüredici çok l üüredicilik ettilär bizim taraflarda. Saklı diil, ani ozaman bizim kendi üüredicilerimiz may yoktu, onuştan yabancı erlerdän üüredicilär yollanardılar küülerimizä. n şür ederim sevgili üüredicimä, ani yaşamasın büük payını şkolaya baaşladı, üüretti hem terbiyetti çok ak – n onun üürenicisi olarak başıiilderim profesionallıı in.

    Hiç bolniţadan izin yapraklarıkullanmadaan, o ledi çok l, hazırladı başarıakları, angıları büün yaşamakta kendi ayaklarında çetin durêrlar. O üürenicilerin arasında – şkolanın şindiki başı, ak başçaların başları, yazılar h. b. Okuldan çıktıktan sora da üürenicilär unutmêêrlar Valentina Nikolaevnayı, kutlêêrlar üüredicilär nnän, dua ederlär saalık hem uzun ör ona. Kendisi Valentina Nikolaevna utancak, saburlu, cana yakın, neetlerini tamannayan insan. Onun var ayırı büük sevgisi uşaklara, herzaman onnarı düşüner, baalantı kurêr aylelerinnän, terbiyeder. İşledi 45 yıldan zeedä pedagog! Bu koca bir yaşamak! Ona düşer ofiţial uurda vermää üüsek hem şannı adları. Sanêrım, sade bölä insannarın başarılarınnan bizim şkolamız büün ayakta kalêr... Şükürlüyüz. Metinneeriz!

    - İsteerim sölemää, ani biz taa üürenärkän bilärdik, ani Moldaviyada var gagauzlar. Bizä bunnarı sölärdi oralı bir işçi, çünkü kendisi taa ileri Moldaviyaya gelmişti.

     Geldik biz Çadıra, girdik rayonun üürenmäk bölümünä, oradan da bizä dedilär, gidelim Baurçuya. Burada orta şkolada V.V. Serdüçenko öndercilik edärdi. Biz Aleksandra Garkuşenko hem Svetlana Bakalaylan birliktä geldik. Başladım işlemää Baurçu orta şkolasında küçük klaslarda üüredici, bana verdiydilär 4-cü klası. Pek meraklı gelärdi işlemää, götürdüm onnarı 9-cu klasadan. İşimdän ayırılmadaan üüsek üürenmäk kurumunu zaoçno Tiraspoldä başardım. Sora başladım işlemää matematika üüredicisi.

    Yaşamak ölä ilerledi, ani 1971-ci yılda baurçulu F.P. Torlaklan evlendik, bölä buralarda heptenä kaldım. Oldu 45 yıldan zeedä işleerim, orta şkolanın statusu teoretik liţeyinä geçti, ama hep matematika derslerini vererim.

    Üüredici zanaatını hep beenärdim, seçtim onu bileräk. Benim zamanımda kızlar ayırardılar ya pedagogika, ya da mediţina institutlarını. Pek beenerim işimi hem uşakları, başka türlü üüredici olmaa yok nasıl. En sevgili klasım 1973-cü yılın 9 «A» oldu, onnar benim ilk üürenicilerimdi, klasta taa çok olan, nekadar kızçaaz vardı. Pek birlikçi hem toplu uşaklardı. Üürenmektä çoyu iiydi, pek beenärdilär sportlan zanaatlanmaa, çok okuyardılar, sevärdilär konkurslara hazırlanmaa. O klasın may yarısı üüsek üürenmäk kurumnarına girdilär. Ama Soyuzda, bilersiniz, üüsek okullara girmää kolay diildi, buradan annaşılêr, ani bilgileri pek üüsekti.

    Söleyecäm sizä, ani gerçek professional pedagog olmaa deyni, lääzım büük professional olmaa hem becermää uşaklara bilgi vermää. Sevinerim, ani benim eski üürenicilerim dä benim gibi matematikada üüredici oldular, örnek – P.İ. Kristeva, başkaları da üüredici zanaatını ayırdılar.

    Sorêrsınız başarılarım için, elbetki, onnar var, makar matematika zor bir bilim, hepsi üürenicilär kavrayamêêrlar onu, ama praktikamda ekzamenneri hiç verämeyän dä olmadı. Pek hodullanêrım iki üürenicimnän, onnar pek başarılı oldular: Sergey Kurdoglo hem Sergey Kostov – çok sıra dolay, region olimpiadalarında matematika uurunda birinci oldular, respublikaya da gittilär yarışmaa. Şindi dä var kaavi üürenicilerim matematikada. Çok klas kolverdim şkoladan. Pensiyadayım, ama hep taa işleerim. Medali, şannı ad yok, ama yaşamaktan pek mutluyum.

    Şindi zamannar diişti, açan bän başlardım, hepsi başka türlüydü. O üzdän gençlerä söleerim, ani yaşamanın gerçek eniliklerini, pedagogikada istemäkleri hesaba almaa lääzım hem hertaraflı hazırlıklı olmaa düşer. Pek önemni olmaa saburlu, doorulukçu, kendi predmetindä başarılı hem elbetki sevmää uşakları. Lääzım diil sade bilgili olmaa, ama becermää kullanmaa zamandaş tehnologiyaları, angılarını büünkü gündä çok aktiv kullanêrız derslerdä. Unutmayın, ani üüredicinin önündä durêr bir insan, angısını lääzım saymaa, terbiyetmää, onu ii bir insan olarak büütmää, angısı yaşamasında faydalı olacek kendi devletinä, olacek ii bir işçi hem kuracek aylesini.

    Bän büüdüm Krasnodar tarafında, Adıgey avtomomiya oblastinin, Krasnogvardeyskiy dolayın Novosevastopolskoe küüyündä. Geldim Gagauziyaya, evlendiynän, kocamnan evimizi kaldırdık, büün dä orada yaşêêrız. Kocamnan Födor Petroviçlän büüttük üç uşak, hepsi üürendilär hem yaşamakta erlerini buldular, şindi sevindirerlär bizi unukalarlan. Şükür Allaha, ömürümüzdän aalaşmêêrız.

Konstantin Kurdoglo

Haberin Diğer Fotoğrafları
 
Anahtar Kelimeler:MATEMATİKA, ÜÜREDİCİSİ,
Kaynak / Editör:
 
Yorumlar
*** Yorum Yaz
Bu habere hiç yorum yapılmamış, ilk yorumu siz yapın.

Diğer CÜMNÄ Haberleri
Общество турецко-молдавской дружбы издало более 34 тысяч экземпляров гагаузских книг
BENİM BUCAAM - PAALI ERİM!
GAGAVUZ TÜRKÇESİNDE KORUNAN ESKİ OĞUZCA SÖZCÜKLER ÜZERİNE

GAGAVUZ TÜRKÇESİNDE KORUNAN ESKİ OĞUZCA SÖZCÜKLER ÜZERİNE
YAKIN TARİHİMİZDÄN SESLÄR…
GAGAUZİYANIN SEVİLÄN SESİ
90-cı YILDÖNÜMÜNÜ TAMAMNADI TC DOKUZUNCU CUMHURBAŞKANI - SULEYMAN DEMİREL
GAGAUZLAR BULGAR KÜÜYÜNDÄ ÇERVENŢI MUSAAFİRLİKTÄ
Diğer Başlıklar

Türkiye'den GRT'ye teknik yardım
Общество турецко-молдавской дружбы издало более 34 тысяч экземпляров гагаузских книг
Türk Dünyasında Kadın
İvan ÇELAK – BALLAD
EVROPADAKİ TÜRK SOLUU GAGAUZLAR 1. BÖLÜM
EVROPADAKİ TÜRK SOLUU GAGAUZLAR 2. BÖLÜM
EVROPADAKİ TÜRK SOLUU GAGAUZLAR 3. BÖLÜM
EVROPADAKİ TÜRK SOLUU GAGAUZLAR 4. BÖLÜM
EVROPADAKİ TÜRK SOLUU GAGAUZLAR 5. BÖLÜM
E-kitap

Meydan Fm

Sesi duyabilmek için, videoları izlerken Meydan FM'i durdurunuz lütfen.

E-Gazeta
Anket

Meydan! gazetası nasıl olmuş?


  
Beendim495 Kişi (% 84 )
  
Pek beenmedim35 Kişi (% 6 )
  
Çoktan lääzımdı olsun56 Kişi (% 10 )

Toplam 586 Kişi

Röportajlar
BİZİM ECEL İSTORİYALARIMIZ
İVAN RODİONOVİÇ KELEŞ – UZBEKİSTAN NEFTEGAZ SFERASININ İLERLENMESİNDÄ BÜÜK KATKIDA BULUNANNARDAN BİRİSİUzbekistanda İvan Keleş yaş&e...
»
»
Kim Kimdir
Anasayfa
Site Haritası
Sitenize Ekleyin
RSS Kaynağı
Hakkımızda
Reklama
Gagauz Şarkıları
Biz kimiz
Facebook
Twitter
Baalantı
Copyright ©2013 - Tüm hakları saklı tutulmaktadır.
Bu sitede yayınlanan tüm resim, materyal ve içeriğin telif hakları tarafımızca saklı olup izinsiz alınıp kullanılamaz.
0,08ms