Bugün - 22 Eylül 2017 Cuma
Foto Galeri
Video Galeri
Biz kimiz
Reklama
Gagauz Şarkıları
Aza Ol
 Bize Ulaşın
www.meydangazetasi.com Logo
-
Hava Komrat °C
Haber Detayları

Şindiki yaşamayı zor düşünmää İnternetsiz. İnternet resurslarının türlülüündän diil sade uşakların, ama büüklerin dä gözleri şaşêr. Dünnä baalantısı oldu bizim yaşamamızın parçası, nicä telefon, mikrodalgalı fırın yada bir kalem. O üzdän İnterneti düşer ii bilmää, ani olmaa taa bilgili hem üürenik insan.

PSİHOLOGİYA Haberi - 07 Mart 2014 Cuma - 11:17
Şindiki yaşamayı zor düşünmää İnternetsiz. İnternet resurslarının türlülüündän diil sade uşakların, ama
büüklerin dä gözleri şaşêr. Dünnä baalantısı oldu bizim yaşamamızın parçası, nicä telefon, mikrodalgalı
fırın yada bir kalem. O üzdän İnterneti düşer ii bilmää, ani olmaa taa bilgili hem üürenik insan.
Resmi küçültmek için üzerini tıklayın...

  İnternet – meraklı, çok köşeli dünnä, angısı yardım eder üürenmää çok enilik, baalanmaa insannarlan uzak noktalardan, oynamaa meraklı oyunnarı, paylaşmaa kendi düşünmeklerini. Bu en kuvetli instrument insanın gelişmesi için, ondan taa güçlüsü olmadı.

  Büün Dünnä payacanında var nasıl kolay bulmaa türlü bilgileri, angıları yardım eder uşakların okuldan verilän ev işlerini yapmaa, genişleder onnarın meraklılıını. İnternettä uşaklar lafederlär bir-birinnän, sesleerlär muzıka, bakêrlar film, okuyêrlar kiyat hem oyun oynêêrlar.

  İnetrnettä var ölä resurslar, angılarını yok nasıl adlamaa zararsız. Meraklanan uşaklar, aararkan oyuncaklar, kelebeklär yada dünnelär için informaţiya, var nasıl razgelsinnär sayfalara, angılarında var pornografiya, ekstremizma, narkotik propagandası yada siläh yapma instrukţiyaları. Bölä saytlara uşaklar ansızdan giräbilirlär.

   Zamandaş uşaklar İnternet soruşlarında çok ileri gittilär. Ama korunmak için lafedirsäk… Gençlär, küçüklär bilämeerlär, nasıl kötülüklär çıkabilir Global Baalantısında hem nasıl kendini onnardan korumaa. Yazık, ama hepsi anabobalar da butürlü bilgilerä saabi olamêêrlar.

Angı instrumentleri siz sayêrsınız en efektiv – büüklerin sevgisi, maasuz filtralar, programaların kullanılması yada “yok İnternet – yok kötülük”?

  Hepsi, ne uşak var nasıl okusun, baksın yada seslesin, verer belli bir bilgi. Sade büüklerin kontrolündan çekiler, ii mi osa kötü işä mi yarayacek o uşaa. İslää, eer uşak hesaba almarsa kötü bilgileri, ani peydalandı gözleri önündä ansızdan, ama taa sık kötülüklär uşaa psihologiya tarafından travma verer, uyandırêr onda agresiya hem üfkelik.

  İnternet industriyasının uzmannarı düşündülär kontaktlar için çok türlü filtralar. Uşak belli bir erä kadar üürenincä dolaşmaa İnterneti, filtraların kullanılması (büüklerin control programası) var nasıl korusunnar küçükleri korkunç bilgilerdän. Öbür taraftan da, büüklär göräbileceklär, İnternetin angı saytlarına uşaa girdi, hem oralarda bulunması için zaman sınırı da koyabilerlär. İnteraktiv kontaktları filtra yardımınnan yakışêr kontrol etmää, ama saytta uşakların kendini götürmelerini – yakışmêêr. Hiçbir dä filtra alamayacek ananın hem bobanın erini uşaklan lafetmä konusunda, onun iilii hem kötülüü ayırma konusunda.

   Taa küçük yaştan çekederäk, lääzım annatmaa uşaa, ani İnternetä girmäk için lääzım olsun bir neet hem o işä ayırılmış belli bir zaman. Kontrolsuz hem faydasız türlü saytlara girmelär – boşuna geçirilmiş zaman. En ilkin, lääzım annatmaa uşaa, ani İnternet o ölä bir er, neredä üklenän bilgilär herzaman dooru çıkmêêr. Yazının başlıı hem yazı kendisi var nasıl biri-birinnän ilgili olmasınnar, konuşanın avatardakı patredi var nasıl başkalaşsın gerçek insanın görüntüsünnän, sensaţiya yapan bilgi çok sıra yalan çıkêr. Teklif edin uşaa, hep danışsın sizä açıklamalar için, eer bişey annamadıysayada fasıl geldiysä.

  Büüklär lääzım sınaştırsınnar uşakları İnternet kullanımın etika normalarına. Kär ölä, nicä annadêrlar sokak, şkola, kapalı erlerdä kendini götürmä kuralları. Benzeyän kuralları İnternettä dä hesaba alma lääzım. Ama bu konuda kesin yasak koymayın, savaşın parallel olarak göstermää İnternetin pozitiv hem negativ taraflarını.

  Uşaan yaşamasından İnterneti almaa yakışmêêr, hem diil lääzım da. Sade lääzım kullanmaa onu belli bir zaman, diil bütün günnärlän, saatlarlan. Büüklär yapmasınnar control uşaan arkasında, siirederäk, nerelerä o girer. Bu metod bozêr inanmak proţesini uşaan hem büügün arasında.

•Nekadar real çıkabilir uşakta bilgisayara baalılık?

 Sölärkän ölä informaţiya tarafı için, nicä İnternet, var nasıl deyelim, ani İnternet hem bilgisayar oyunnarı (taa sık onlayn olannarı) sınaştırêrlar, baalêêrlar insanı. Butürlü sınaşmaklar başlêêr belli olmaa yarım yılın içindä. Taa bir önemni problema, angısı çıkêr İnternettä sık lafetmenin beterinä – real yaşamakta lafetmäk sıkıntısı, azalması. Bu problema büüklerdä dä çıkêr, ama uşaklar kontrol edämeerlär kendilerini, sonunda depresiya sebepleri, düşük notalar, agresiya h. b. etkilär olabiler.

  Gerçek real lafetmäk – diil sade laflarlan diişmäk, ama jest, mimika, göz-gözä annaşmak. İnternettä lafedärkän – hepsi bunnar yok. Çok zaman görmeeriz karşımızdakı insanı, o beterä annayamêêrız onun duygularını. Elbet, butürlü var nasıl kolay aldatmaa hem aldanmaa da.

  Üşenmeyin sormaa uşaan İnternet meraklılıı için, saymaa onu hem güvenmää ona, hep olmaa onunnan kontaktta. Bunnarı yaparsanız, uşaklar da sizä güvenniklän cuvap vereceklär, o güven da ilerdä var nasıl korusun kimi negativ İnternet kontaktlarından.

  Biz yok nasıl uşaamızı saklayalım hem kötü işlerindän, ama biz var nasıl yardım edelim onnara aykırlamaa çoyu zorlukları. Brakmayın uşaanızı yalnızyalnıza çevremizin zararlarınnan!

 
Anahtar Kelimeler:Şindiki, yaşamayı, zor, düşünmää, İnternetsiz, İnternet, resurslarının, türlülüü,
Kaynak / Editör:
 
Yorumlar
*** Yorum Yaz
Bu habere hiç yorum yapılmamış, ilk yorumu siz yapın.

Diğer PSİHOLOGİYA Haberleri

UŞAKLIK ZAMANIN KRİZİSLERİ... YAKINDA OKULA, YADA 7 YAŞ КRİZİSİ
UŞAKLARIN KRİZİS ZAMANNARI
Diğer Başlıklar

Türkiye'den GRT'ye teknik yardım
Общество турецко-молдавской дружбы издало более 34 тысяч экземпляров гагаузских книг
Türk Dünyasında Kadın
İvan ÇELAK – BALLAD
EVROPADAKİ TÜRK SOLUU GAGAUZLAR 1. BÖLÜM
EVROPADAKİ TÜRK SOLUU GAGAUZLAR 2. BÖLÜM
EVROPADAKİ TÜRK SOLUU GAGAUZLAR 3. BÖLÜM
EVROPADAKİ TÜRK SOLUU GAGAUZLAR 4. BÖLÜM
EVROPADAKİ TÜRK SOLUU GAGAUZLAR 5. BÖLÜM
E-kitap

Meydan Fm

Sesi duyabilmek için, videoları izlerken Meydan FM'i durdurunuz lütfen.

E-Gazeta
Anket

Meydan! gazetası nasıl olmuş?


  
Beendim497 Kişi (% 85 )
  
Pek beenmedim35 Kişi (% 6 )
  
Çoktan lääzımdı olsun56 Kişi (% 10 )

Toplam 588 Kişi

Röportajlar
BİZİM ECEL İSTORİYALARIMIZ
İVAN RODİONOVİÇ KELEŞ – UZBEKİSTAN NEFTEGAZ SFERASININ İLERLENMESİNDÄ BÜÜK KATKIDA BULUNANNARDAN BİRİSİUzbekistanda İvan Keleş yaş&e...
»
»
Kim Kimdir
Anasayfa
Site Haritası
Sitenize Ekleyin
RSS Kaynağı
Hakkımızda
Reklama
Gagauz Şarkıları
Biz kimiz
Facebook
Twitter
Baalantı
Copyright ©2013 - Tüm hakları saklı tutulmaktadır.
Bu sitede yayınlanan tüm resim, materyal ve içeriğin telif hakları tarafımızca saklı olup izinsiz alınıp kullanılamaz.
0,06ms