Bugün - 20 Eylül 2017 Çarşamba
Foto Galeri
Video Galeri
Biz kimiz
Reklama
Gagauz Şarkıları
Aza Ol
 Bize Ulaşın
www.meydangazetasi.com Logo
-
Hava Komrat °C
Haber Detayları

Bu yıl Gagauz dili Respublika Olimpiadası geçti Komratta, Gavril Gaydarcı adına Teoretik Lițeyindä mart ayın 10-undan 12-sinädän. XXV-ci Olimpiadaya katıldılar Gagauziyanın gimnaziyalarından hem lițeylerindän 60 kişi, angıları kazandılar ilk erleri taa ileri yapılan Regional Olimpiadada.

Arşiv Haberi - 07 Nisan 2014 Pazartesi - 10:20
Bu yıl Gagauz dili Respublika Olimpiadası geçti Komratta, Gavril Gaydarcı adına Teoretik Lițeyindä mart ayın 10-undan 12-sinädän. XXV-ci Olimpiadaya katıldılar Gagauziyanın gimnaziyalarından hem lițeylerindän 60 kişi, angıları kazandılar ilk erleri taa ileri yapılan Regional Olimpiadada.
Resmi küçültmek için üzerini tıklayın...

  Açılışta üürenicilerä danıştılar başkan Mihail Formuzal, başkan yardımcısı Nikolay Stoyanov, Üürenmäk Bakannıın başı Vera Balova hem Moldovanın Üürenmäk ministerliindän gagauz dili uzmanı Anna Stoletneya. Elbetki, üürenicilärlän bilä geldilär onnarın üüredicileri, dostları hem gagauz dilini sevennär.

  Burada nışannandı, ani bu yıl programa biraz taa zorlaştırıldı. 9-cu klaslar için may hepsi bölümnerdä taa meraklı, taa zor soruşlar hem praktik işleri hazırlandı. Hep ölä aarlaştı 12-ci klaslar için dä yapılacek işlär, çünkü büük klaslarda üürenicilerdän beklenilärdi taa geniş, zengin hem dolu bilgilär, neçin deyni onnar artık etiştilär liţey programasının son basamaana.

  Açılış günündä, adetä görä, olimpiadacılara hem hepsi katılannara gösterildi konţert, angısını hazırladı komrattakı incäzanaat evindän uşaklar, M.A. Melkan önderciliindä. Komrattakı   dramatik teatrusucannandırdı gagauz dilindä spektakliyi “Büük iilik”, angısını koydu rejisör Denis Pıntä. Mart ayın 11-dä, günün ilk payında Olimpiadaya katılannar yazılı işlerini yaptılar. 9-cu klaslar yazdılar yaratmalı diktant. 10,11,12-ci klaslardan üürenicilär yaptılar test hem yazdilar esse. Günün ikinci payında olimpiadacılar cuvap ettilär viktorinanın soruşlarına. Viktorina soruşları baalıydı gagauz halkının kulturasına, adetlerinä, istoriyasına. Hep bu gün Olimpiadaya katılannar aazdan ezberi söledilär gagauz yazıcıların, peetçilerin yaratmalarından sevdii parçaları. Günün programasını kapattı buluşma gagauz yazıcılarınnan – Vasi Filioglu, Pelageya Filioglu, Todur Marinoglu, Alöna Ergoglo. Üürenicilär yakından tanıştılar yazıcıların yaratma hem yaşamak yollarınnan, paylaştılar bilgilärlän hem peet yazma kurallarınnan.

  Üçüncü günü yapıldı Respublika Olimpiadasının ofiţial kapanışı. Burada bulundular başkanın yardımcısı Nikolay Stoyanov, Üürenmäk bakannıın başı Vera Balova. Sölendi şükürlük sözleri jüri adına hem organizatorlara. Olimpiadanın çıkışlarına görä jüri belli etti kazanılan erleri:

12-ci klasların arasında:

I er - Anastasiya Çernioglo, Baurçu TL (üüredici M.V. Çernioglo),

II er - İrina Angelçeva, Кıpçak TL S. Baranovskiy adına (üüredici M.İ. Kopuşçu),

III er – Lüdmila Каbakoglo, Кıpçak, Liţey B.Yanakoglo adına (üüredici S.A. Todorova),

IV er – Violetta Dzäşovı, Каzayak TL (üüredici N.P. Çoban),

11-ci klasların arasında:

II er - Liliya Gaydarcı, Кıpçak TL S. Baranovskiy adına (üüredici E.F. Kopuşçu),

III er - Olga Çerneva, Valkaneş, Liţey A.Doljenko adına (üüredici D.P. Onofrey),

IV er - Anastasiya Slav, Коmrаt Pedagogika koleji M.Çakirin adına (üüredici A.D.Sukman),

10-cu klasların arasında:

I er - Viktor Kiroviç, АvdarmaLiţey D.Çelengir adına (üürediciF.İ. Marinov),

II er - Anastasiya Kabak, Кıpçak ТL S.Baranovskiy adına (üüredici M.İ. Kocebaş),

III er - Anna Kirioglo, Коmrat ТL D.Karaçoban adına (üüredici E.İ. Kılçik),

IV er - Natalya Baboglo, Кıpçak ТL B.Yanakoglo adına (üüredici L.N. Üsümbeli),

9-cu klsların arasında:

I er – Alöna Trifonoglo, Кıpçak Liţey S.Baranovskiy adına (üüredici E.F. Kopuşçu),

II er – Evgeniya Hacı, Dezgincä, Liţey (üüredici M.V. Hacı),

III er – Ekaterina Kaykı, Kiriyet- Lunga TL D.Tanasoglo adına (üüredici A.K. Kolomiyțeva),

IV er - Anna Bas, Başküü Gimnaziya M.Tanasoglu adına (üüredici V.K. Zlatovçen).

  Burada lääzım nışannamaa, ani üürenicilerimizin bilgileri gagauz dili hem literature uurunda, bakarak geçän yıla, taa üüselmiş. Respublika Olimpiadasını kazanannara verildi Moldova Üürenmäk ministerliin diplomnarı hem para premiyaları:

I er – 1000 ley,

II er – 800 ley,

III er – 600 ley,

Özendirici premiyalar – 400 ley.

Evgeniya Yançoglo,

Gagauziyanın Üürenmäk

bakannıı baş uzmanı

 
Anahtar Kelimeler:Bu, yıl, Gagauz, dili, Respublika, Olimpiadası, geçti, Komratta, Gavril, Gaydarc,
Kaynak / Editör:
 
Yorumlar
*** Yorum Yaz
Bu habere hiç yorum yapılmamış, ilk yorumu siz yapın.

Diğer Arşiv Haberleri

Diğer Başlıklar

Türkiye'den GRT'ye teknik yardım
Общество турецко-молдавской дружбы издало более 34 тысяч экземпляров гагаузских книг
Türk Dünyasında Kadın
İvan ÇELAK – BALLAD
EVROPADAKİ TÜRK SOLUU GAGAUZLAR 1. BÖLÜM
EVROPADAKİ TÜRK SOLUU GAGAUZLAR 2. BÖLÜM
EVROPADAKİ TÜRK SOLUU GAGAUZLAR 3. BÖLÜM
EVROPADAKİ TÜRK SOLUU GAGAUZLAR 4. BÖLÜM
EVROPADAKİ TÜRK SOLUU GAGAUZLAR 5. BÖLÜM
E-kitap

Meydan Fm

Sesi duyabilmek için, videoları izlerken Meydan FM'i durdurunuz lütfen.

E-Gazeta
Anket

Meydan! gazetası nasıl olmuş?


  
Beendim497 Kişi (% 85 )
  
Pek beenmedim35 Kişi (% 6 )
  
Çoktan lääzımdı olsun56 Kişi (% 10 )

Toplam 588 Kişi

Röportajlar
BİZİM ECEL İSTORİYALARIMIZ
İVAN RODİONOVİÇ KELEŞ – UZBEKİSTAN NEFTEGAZ SFERASININ İLERLENMESİNDÄ BÜÜK KATKIDA BULUNANNARDAN BİRİSİUzbekistanda İvan Keleş yaş&e...
»
»
Kim Kimdir
Anasayfa
Site Haritası
Sitenize Ekleyin
RSS Kaynağı
Hakkımızda
Reklama
Gagauz Şarkıları
Biz kimiz
Facebook
Twitter
Baalantı
Copyright ©2013 - Tüm hakları saklı tutulmaktadır.
Bu sitede yayınlanan tüm resim, materyal ve içeriğin telif hakları tarafımızca saklı olup izinsiz alınıp kullanılamaz.
0,11ms