Bugün - 19 Ekim 2017 Perşembe
Foto Galeri
Video Galeri
Biz kimiz
Reklama
Gagauz Şarkıları
Aza Ol
 Bize Ulaşın
www.meydangazetasi.com Logo
-
Hava Komrat °C
Haber Detayları

Aleksandra İvanovna Rusakeviç – başka türlü bir insandı…

CÜMNÄ Haberi - 21 Mayıs 2014 Çarşamba - 10:11
Aleksandra İvanovna Rusakeviç – başka türlü bir insandı…
Resmi küçültmek için üzerini tıklayın...
   Geçmiş zamanda onun için sölemää fasıl hem aar geler. O sıradan, aramızdan, bir ustanın aylesindän çıkan insan. Birzaman da ön plana çıkmaa savaşmayan, ama öndä duran karı.  Bilgili, üürenik, ama insan içindändi, onuştan da herkezi ona yamanardı, ona sorardı, ondan nasaat istärdi. Çalıştı uzun zaman Kazayak küüyün büdjet kurumnarında. Onuştan bütün küüyü bilärdi, hem onu da hepsi tanıyardı.
   Siirek ses tonu vardı, başkasınnan yoktu nicä şaşırmaa bu sesi. Beki ondan da “Sevda” folklor ansamblisinin türküleri taa şıralı, düzgün ötärdi. Çok yıl izmet edärdi gagauz folkloruna: toplayarak hem çalarak eski türküleri, yaparak eveldän kalan el işlerini, sergileyeräk onnarı – gençlerä hem büüklerä, da onun sayısında patriotik duyguları ulaşardı. 
   Aleksandra İvanovnanın harakterindä yoktu çok görmäk, kıskançlık noktaları, o başkaların arasında kalkan kavgaları da becerärdi kimseyi kırmadaan doorusunu üzä çıkarmaa, uzlaştırmaa. 
   Ona kolaydı yaşamaa, neçin deyni yapardı hepsini ölä, nicä duyardı hem istärdi, aylesi dä ona hep arka olardı, engellämäzdi. Siirek kocalar yada uşaklar bütün  yaşamaları boyunca kayıl olêrlar kalmaa evdä yalnız, neçinki anaları yada karıları sık-sık konţertlerä, sergilerä, festivallerä gider. Düşünün, evdeki karı hep imeelik yada örgü, dikiş platlarını, çiçek feneţlerini hazırlasın, ama evi için diil – başkasına gagauz kulturasını tanıtmaa deyni… Ama Aleksandra İvanovna öläydi, hem evdeki işlerini becerärdi toparlamaa, hem kultura oluşlarından da geeri kalmardı. O katılmasa da, genä faydası olardı, çünkü yaşardı kär Kultura Evinin yanında. Orada herzaman bişey etmeer, bişey  unudulêr, yapılması etiştirilmeer – bunnarın çözümünü Aleksandra İvanovna hem onun evi bulardı. Saa olsunnar, ani hepsinä izmet ederlär ayläycä kimär kerä hiç kimseyä görünmeyän işlärlän.
   Onun lafı uyardı herbir boydan insana. Küçüklän – küçükçä lafedärdi, büüklerä saygıylan danışardı, gençerin dertlerini dä annayarak, onnara dost olardı. Aleksandra İvanovnaya kolaydı açılmaa, paylaşmaa, beki ondan, ani o becerärdi seslemää hem işitmää karşıdakı insanı. Annayıp problemayı, savaşardı yardım etmää en azdan yalpak nasaatlan. Sevinmeliktä – sevinärdi nicä kendi evladına.
   İmekleri onun pek becerikli çıkardı, belliydi, ani küülü ayledä büümüş, sora da çok yıl kayınnaylan yaşamış. Onnar pek annaşardılar. Gelin-kayınna sarmaları nasıl sarılêr, nasıl işlär birliktä yapılêr – bu yalpaklaa sade mayıl olmaa vardı nasıl. Bir kerä Türkiyada gagauz sofrasını “Sevda” ansamblisi kurdu hem sergiledi, lääzımdı görmää Aleksandra İvanovnanın hazırlıını bu iş için. O blinçikleri evdä pişirmiş, ama yanına kendi kaymaanı, iişimiini, saa yaayını, tuzluuna kadar – hepsini getirmişti. Uçaklan becerdi getirmää eski dikişlerini ramkalarlan, ikona hem kilim, daroşkaları, garafaları, filcannarı, meyva sepetlerini h. b. Aleksandra Rusakeviç düşünceli hem praktik  insandı.  Problema çıkarsa da, onu belli etmedään, çözülmesini bulardı. 
   Lafçı insan olmaa hepsinä verilmeer… Aleksandra İvanovna ürektän, içindän açıktı. Onun lafı sıcaktı, onun dua etmeleri gerçekti hem ayırı bir motivlän sölenärdi. Gagauz Radiosunun cannı yayınnarı başladıından beeri oldu onnarın aktiv sesleyicisi hem pay alıcısı.  Hepsi yakınnarını savaşardı radio aşırı kutlamaa hem diil ölesinä, ama bu işi hazırlanıpta yapardı, peetinä kadar sözünü, türküsünü hazırlardı… Ama bitki zaman  bu siirek ses hem gözäl zengin dilli kutlamalar kesildi… Yazık…
   Aleksandra İvanovna becerärdi hazırlanmaa sıralara hem becerärdi başkaların sırasını da düzmää hem tutturmaa. Musaafir olarak o düünä yada başka sıraya gelip, ev saabilerinä yardım da edecek, şennii dä düzecek, hem sıranın ilk saatlarında kalkıp gitmeyecek, çünkü annêêr, ani insannar hazırlık yapmışlar, lääzım onnarı da mutlu etmää…
   Küsülü yada derdi olan insanı uzaktan annardı. Bir uygun moment bulup, yanına oturup, insanın canını raatlatmaa savaşardı – o becerärdi bu işi yapmaa, ürek yardımı hem nasaat veräbilärdi. Ne yazık, ki biz dä onun derdini görämedik, annayamadık. Osa o hepsindän saklardı mı kendi acılarını, kertiinä kadar açıklamaa da istämedi. Beki başkalarına aalaşmaa istämedi, ilaçlanmaa zamanında gitmedi, kendi kuvedinä güvendi. Dış görüntüsünä görä, kimsey düşünämeyeceydi, ani bu insanın içindä “çürüü” var. Ama hastalık – çirkin dert herbir insan için. Onu ya sän enseersin, ya da o seni enseer. Bu kara derdi Aleksandra İvanovna enseyämedi, beki da biz, kimä o çok kerä ürek verdi, ona yardımcı olamadık, beki ölä yazılmış yukardan…. Bunu biler sade gökteki kuvetlär. 
   Aleksandra İvanovna yaşadı aramızda hem kalacek aklımızda, üreklerimizdä, gagauz kulturasına yapılan izmet işlerindä. Çiçek ayın 7-dä o kutlayacedı sıradakı duuma gününü, ama ecel durguttu onun kalbini, o ayırıldı bu dünnedän 66 yaşında. Topracıı ilin olsun…
İvanna Köksal
Haberin Diğer Fotoğrafları
 
Anahtar Kelimeler:Aleksandra, İvanovna, Rusakeviç, –, başka, türlü, bir, insandı…,
Kaynak / Editör:
 
Yorumlar
*** Yorum Yaz
Bu habere hiç yorum yapılmamış, ilk yorumu siz yapın.

Diğer CÜMNÄ Haberleri
Общество турецко-молдавской дружбы издало более 34 тысяч экземпляров гагаузских книг
BENİM BUCAAM - PAALI ERİM!
GAGAVUZ TÜRKÇESİNDE KORUNAN ESKİ OĞUZCA SÖZCÜKLER ÜZERİNE

GAGAVUZ TÜRKÇESİNDE KORUNAN ESKİ OĞUZCA SÖZCÜKLER ÜZERİNE
YAKIN TARİHİMİZDÄN SESLÄR…
GAGAUZİYANIN SEVİLÄN SESİ
90-cı YILDÖNÜMÜNÜ TAMAMNADI TC DOKUZUNCU CUMHURBAŞKANI - SULEYMAN DEMİREL
GAGAUZLAR BULGAR KÜÜYÜNDÄ ÇERVENŢI MUSAAFİRLİKTÄ
Diğer Başlıklar

Türkiye'den GRT'ye teknik yardım
Общество турецко-молдавской дружбы издало более 34 тысяч экземпляров гагаузских книг
Türk Dünyasında Kadın
İvan ÇELAK – BALLAD
EVROPADAKİ TÜRK SOLUU GAGAUZLAR 1. BÖLÜM
EVROPADAKİ TÜRK SOLUU GAGAUZLAR 2. BÖLÜM
EVROPADAKİ TÜRK SOLUU GAGAUZLAR 3. BÖLÜM
EVROPADAKİ TÜRK SOLUU GAGAUZLAR 4. BÖLÜM
EVROPADAKİ TÜRK SOLUU GAGAUZLAR 5. BÖLÜM
E-kitap

Meydan Fm

Sesi duyabilmek için, videoları izlerken Meydan FM'i durdurunuz lütfen.

E-Gazeta
Anket

Meydan! gazetası nasıl olmuş?


  
Beendim498 Kişi (% 85 )
  
Pek beenmedim35 Kişi (% 6 )
  
Çoktan lääzımdı olsun56 Kişi (% 10 )

Toplam 589 Kişi

Röportajlar
BİZİM ECEL İSTORİYALARIMIZ
İVAN RODİONOVİÇ KELEŞ – UZBEKİSTAN NEFTEGAZ SFERASININ İLERLENMESİNDÄ BÜÜK KATKIDA BULUNANNARDAN BİRİSİUzbekistanda İvan Keleş yaş&e...
»
»
Kim Kimdir
Anasayfa
Site Haritası
Sitenize Ekleyin
RSS Kaynağı
Hakkımızda
Reklama
Gagauz Şarkıları
Biz kimiz
Facebook
Twitter
Baalantı
Copyright ©2013 - Tüm hakları saklı tutulmaktadır.
Bu sitede yayınlanan tüm resim, materyal ve içeriğin telif hakları tarafımızca saklı olup izinsiz alınıp kullanılamaz.
0,14ms