Bugün - 27 Mayıs 2017 Cumartesi
Foto Galeri
Video Galeri
Biz kimiz
Reklama
Gagauz Şarkıları
Aza Ol
 Bize Ulaşın
www.meydangazetasi.com Logo
-
Hava Komrat °C
Haber Detayları

İlk gagauz gazetası diriler XXI-ci asirdä

Arşiv Haberi - 21 Mayıs 2014 Çarşamba - 14:11
İlk gagauz gazetası diriler XXI-ci asirdä
Resmi küçültmek için üzerini tıklayın...
   Ayoz Paskellä yortusu için “Aydınnık” kultura-aydınnatmak cümnä topluluu kararladı çıkarmaa “Hakikatın sesi” gazetasının özel nomerini. İlk gagauz gazetası sayılan bu yayını kurdu Ay-Boba Mihail Çakir. Onun yalvarmasına görä Rus Klisesinin Sinodu 1907-ci yılda bölä bir karar kabletti: 1) Kişinöv eparhial zaabitliinä Hristosun Duumasının adına kardaşlık aşırı verilsin hak tiparlamaa gagauz dilindä slavän bukvalarınnan yaprakları, broşuraları hem din kiyatlarını;
 2) evangeliyayı, akafistleri, duaları, türküleri, yaprakları h.b. gagauz dilinä çevirmää deyni, kurulsun çeviri komisiyası, angısının başı koyulsun protoierey Mihail Çakir, erli Din konsistoriyasının azası; 
3) kiyatların hem yaprakların ţenzurasını yapmaa hak verilsin hep o protoierey Çakirä, nicä gagauz dilini ii bilän kişiyä.
  Bu vakıttan Ay-Boba başladı tiparlamaa “Hakikatın sesini”, koyup ona “misionarlı yaprak” adını. Bu günä kadar bilinmeer, kaç nomer çıktı, sade bileriz, ani, protoierey M. Çakirdän kaarä, kimsey onu çıkarmadı.
  2013-cü yılda tamannandı 75 yıl, nicä geçindi bizim büük Aydınnadıcımız, angısı çok zaamet etti gagauzlar için. Bu zaametlerin arasında, elbetki, gagauz gazetacılıın kurulması da bulunêr. 
  “Aydınnık” CT geldi bölä bir karara, ani lääzım diriltmää ilk gagauz gazetasını, angısı olacek faydalı hem kliseyä, hem kulturaya, hem gagauzlaa. İlk nomeri açêr Paskellä Evangeliyası, angısı başlêêr butakım: “Başta Söz vardı”. Burada apostol İoan söleer Hristos için, deer Ona Söz, Angısı duudu Bobadan hepsi daymalardan ileri.     
   Söz var nasıl aazdan hem yazılı olsun. Biz hepsimiz bileriz, nesoy zengin var folklorumuz, angısı üzlärlän yıl, aazdan-aaza olarak, yaşadı. Gagauzların dedeleri, taa Altaydaykan, kullanardılar kendi yazılarını, angıları büünä kadar korundu büük taşlarda (run yazıları).
   Şindi açılêr gagauz gazetacılıı istoriyasının taa bir eni sayfası. Bu sayfayı yazacek diil salt gazetayı hazırlayannar hem redaktor, ama okuyucular da. Umut ederiz, ani gagauzların arasında okumak kulturası gittikçä zeedelenecek. Biz dä, kullanarak XXI-сi asirin hepsi kolaylıklarını, savaşacez etiştirmää okuyucumuza meraklı hem faydalı bilgileri gazetanın hem kiyat, hem elektron versiyasından.
   Salt gidän adam yolun bitkisinä etişecek. Küçük adımnarlan “Hakikatın sesi” çekeder – umut ederiz – uzun yoluna. Kritikayı ya şükürlüü bildirmää deyni var nasıl kopusciuv@mail.ru adresinä danışasınız. Gazeta yayın edilecek internettä, kiyat variantı daadılacek Saabinin Simasının Diişilmesinin adına Komrat klisesindä (boba Sergiy – tel. 0 79 79 50 79).
 
Viktor KOPUŞÇU,
“Aydınnık” CT başı, “Hakikatın sesi” 
gazetasının baş redaktoru
 
Anahtar Kelimeler:İlk, gagauz, gazetası, diriler, XXIci, asirdä,
Kaynak / Editör:
 
Yorumlar
*** Yorum Yaz
Bu habere hiç yorum yapılmamış, ilk yorumu siz yapın.

Diğer Arşiv Haberleri

Diğer Başlıklar

Türkiye'den GRT'ye teknik yardım
Общество турецко-молдавской дружбы издало более 34 тысяч экземпляров гагаузских книг
Türk Dünyasında Kadın
İvan ÇELAK – BALLAD
EVROPADAKİ TÜRK SOLUU GAGAUZLAR 1. BÖLÜM
EVROPADAKİ TÜRK SOLUU GAGAUZLAR 2. BÖLÜM
EVROPADAKİ TÜRK SOLUU GAGAUZLAR 3. BÖLÜM
EVROPADAKİ TÜRK SOLUU GAGAUZLAR 4. BÖLÜM
EVROPADAKİ TÜRK SOLUU GAGAUZLAR 5. BÖLÜM
E-kitap

Meydan Fm

Sesi duyabilmek için, videoları izlerken Meydan FM'i durdurunuz lütfen.

E-Gazeta
Anket

Meydan! gazetası nasıl olmuş?


  
Beendim495 Kişi (% 84 )
  
Pek beenmedim35 Kişi (% 6 )
  
Çoktan lääzımdı olsun56 Kişi (% 10 )

Toplam 586 Kişi

Röportajlar
BİZİM ECEL İSTORİYALARIMIZ
İVAN RODİONOVİÇ KELEŞ – UZBEKİSTAN NEFTEGAZ SFERASININ İLERLENMESİNDÄ BÜÜK KATKIDA BULUNANNARDAN BİRİSİUzbekistanda İvan Keleş yaş&e...
»
»
Kim Kimdir
Anasayfa
Site Haritası
Sitenize Ekleyin
RSS Kaynağı
Hakkımızda
Reklama
Gagauz Şarkıları
Biz kimiz
Facebook
Twitter
Baalantı
Copyright ©2013 - Tüm hakları saklı tutulmaktadır.
Bu sitede yayınlanan tüm resim, materyal ve içeriğin telif hakları tarafımızca saklı olup izinsiz alınıp kullanılamaz.
0,39ms