Bugün - 11 Aralık 2017 Pazartesi
Foto Galeri
Video Galeri
Biz kimiz
Reklama
Gagauz Şarkıları
Aza Ol
 Bize Ulaşın
www.meydangazetasi.com Logo
-
Hava Komrat °C
Haber Detayları

“Gönül sultannarın buluşması” Eskişehir kasabasında

CÜMNÄ Haberi - 04 Haziran 2014 Çarşamba - 10:07
“Gönül sultannarın buluşması” Eskişehir kasabasında
Resmi küçültmek için üzerini tıklayın...

   May ayin 26 – 28 kadar Türkiya devletindä Eskişehir kasabasında Osmangazi Universitetindä geçti düşünce(mısliteli) insannarın arasında sammit – “Gönül sultannarın buluşması”. Filosofiya, soțiologiya, dil taraflarından bilgicilär annattılar musaafirlerä teoriyaları, baalı türk halkların peydalanmasınnan, yaşamasınnan, onnarın dilinin hem kultura ilerlemesinnän. Bu buluşmak verdi kolaylık taa yakından annamaa türk dünnäsının kulturasında ortak olan bilgileri. Bölä söledi bu oluş için Prof. Dr. Hasan Gönen Eskişehir Osmangazi Universitetinin Rektoru: “Bir ülkedä yaşayan bilim insanı o ülkenin kulturasını hem geleceeni ilerleder. Toplayarak yıllarlan bilgileri türlü bölümnerdä, kendi halk tarihinin altın sayfalarını yazêrlar. Büünkü gündä, açan ilerlener devletin ekonomika hem soțial tarafları, onnarın arasında kulturanın da ilerlenmesi pek önemniydir. Bir halkın kulturası başka halkların kulturaları arasında bulunêr. Önemni,  ki lääzım  göstermää hem bildirtmää bir kulturayı başka kulturaya. Herbir milletin kulturası başka milletlerin kulturalarını bilmesindän biraz zenginnener. İi ki türk dünnesindä kultura tarafından çok işlär herbir devlettä biri birlerinä benzeerlär. Önemni, ani bu gündä toplandılar düşünce insannar bütün türk dünnäsından. Bu buluşmak yakınnadacek bizi biri birimizä, verecek kolaylık tanıtmaa bizim ortak kulturamızın en gözäl taraflarını”.

  Bu günnerdä hepsi pay alannarın vardı kolaylıı deerindän tanışsınnar biri- birlerinin düşünmeklerinnän, bakışlarınnan kultura ilerletmesinin uurunda. Kendi fikirlerini baalı bu konuya açıkladı Eskişehir kasabanın Valisi Güngör Azim Tuna. Sözündä o söledi, ani  Türk dünnesinin herbir tarafta yaşayan insannarın kulturası hem dili biri - birinä çok benzerlär. O sayer, ani pek önenii şindiki zamanda kurmaa türk dünnäsının bir dilini hem bir kulturasını. “Eskişehir kasabasında bu günnerdä büük bır oluş geçer. Türk dünnesindän düşünce adamnarınnan birliktäyiz. May ayın 26 – 28 kadar dört ayırı salonda onnar kendi bakışlarını açıklayaceklar hem bilgilerini annadaceklar. Biz isteeriz ki onnarın başarları için işitsinnär dil sade türk dünnesinin arasında, ama bütün dünnedä da. Bu pek önemni, ani bizim var kolayımız onnarı görelim, konuşalım onnarnan, soruş onnara verelim hem dostluu aramızda kuralım. Umutlanêrız, ani onnarın sözleri düşünmekleri hem bilgileri şindiki zamanadan gelecää kadar etişeceklär”.

  Pay alannarın arasında çok meraklı insan vardı. Birisi onnardan soțiolog Doç. Dr. Ebulfez Suleymanlı Azerbadjandan. Kendi dokladında o annattı Türk dünnesinin anılmış peetçisi Bahtiar Vagabzade için. “Bu kişi Sovet birliin vakıdında da şindiki zamanda da kendi kuvedini koydu, ki azerbadjan dilini korumaa hem ilerletmää. Kendi şiirlerindä o hep kaldırêr sooruşu Türk dünnesinin birlii için kultura dil hem tradițiya taraflarından. Temeli bu sooruşlarda hep koydular bölä kişilär nicä Bahtiar Vagabzade, Al Farabi, Ünus Emre.  Onnarın baş ideyalarında kuruldu türk țivilizațiyasi. Büünkü buluşmamızda çok önemni bir çalışmak olacek. Hepsi türk dünnäsından bilim adamnarın sözlerini hem bakışlarını paylaştıracez bu günnerda”.

   Başka bir sammitin pay alanı – Prof. Dr. Güllü Yoloğlu (MEMMEDLİ)  Azerbadjandan. Kendi sözündä annattı islam terminneri için. Bir istemesi vardı – tanıştırsın bu religiyayı başka religiyada yaşayan insannara. 

   Kendi bakışını bu oluşa paylaştırdı genç organızatorların birisi da Feride Reshytova. Eskişehir Osmangazi Universitetinin jurnalistika fakultetindä ilk kursunu bitirer. Kendisi Krımdan Türkiyaya gelmiş. „Bu sammita geldilär bilim adamnarı türlü devletlerdän. Onnar hepsi paylaştırêrlar kendi ideyalarını nicä kurmaa birleşik Türk devletini neredä kullanılacek bir dil. Bu olacek pek islää, çünkü Türkiya kaavi bir devlet. Da hepsi insannar Türk dünnäsından birleşärseydilär - taa da kaavi olacek”.

   May ayın 29 sammitin ofițial kapanışı geçti. Bütünnää bu oluşta pay aldılar musaafirlär 17 devlettän. 2013 yılın çeketmesindä Eskişehir kasabası oldu Türkiyanın Kültür Başkenti. Bir yılın süresindä bu kasabada 300 – zä kadar proekt ilerlendi. Birisi onnardan muzıka konkursu “Türkvision”,  neredä pay aldı bizim vatandaşımız – türkücü, Lüdmila Tukan.

 

 

 

Haberin Diğer Fotoğrafları
 
Anahtar Kelimeler:“Gönül, sultannarın, buluşması”, Eskişehir, kasabasında, ,
Kaynak / Editör:
 
Yorumlar
*** Yorum Yaz
Bu habere hiç yorum yapılmamış, ilk yorumu siz yapın.

Diğer CÜMNÄ Haberleri
Общество турецко-молдавской дружбы издало более 34 тысяч экземпляров гагаузских книг
BENİM BUCAAM - PAALI ERİM!
GAGAVUZ TÜRKÇESİNDE KORUNAN ESKİ OĞUZCA SÖZCÜKLER ÜZERİNE

GAGAVUZ TÜRKÇESİNDE KORUNAN ESKİ OĞUZCA SÖZCÜKLER ÜZERİNE
YAKIN TARİHİMİZDÄN SESLÄR…
GAGAUZİYANIN SEVİLÄN SESİ
90-cı YILDÖNÜMÜNÜ TAMAMNADI TC DOKUZUNCU CUMHURBAŞKANI - SULEYMAN DEMİREL
GAGAUZLAR BULGAR KÜÜYÜNDÄ ÇERVENŢI MUSAAFİRLİKTÄ
Diğer Başlıklar

Türkiye'den GRT'ye teknik yardım
Общество турецко-молдавской дружбы издало более 34 тысяч экземпляров гагаузских книг
Türk Dünyasında Kadın
İvan ÇELAK – BALLAD
EVROPADAKİ TÜRK SOLUU GAGAUZLAR 1. BÖLÜM
EVROPADAKİ TÜRK SOLUU GAGAUZLAR 2. BÖLÜM
EVROPADAKİ TÜRK SOLUU GAGAUZLAR 3. BÖLÜM
EVROPADAKİ TÜRK SOLUU GAGAUZLAR 4. BÖLÜM
EVROPADAKİ TÜRK SOLUU GAGAUZLAR 5. BÖLÜM
E-kitap

Meydan Fm

Sesi duyabilmek için, videoları izlerken Meydan FM'i durdurunuz lütfen.

E-Gazeta
Anket

Meydan! gazetası nasıl olmuş?


  
Beendim498 Kişi (% 84 )
  
Pek beenmedim35 Kişi (% 6 )
  
Çoktan lääzımdı olsun57 Kişi (% 10 )

Toplam 590 Kişi

Röportajlar
BİZİM ECEL İSTORİYALARIMIZ
İVAN RODİONOVİÇ KELEŞ – UZBEKİSTAN NEFTEGAZ SFERASININ İLERLENMESİNDÄ BÜÜK KATKIDA BULUNANNARDAN BİRİSİUzbekistanda İvan Keleş yaş&e...
»
»
Kim Kimdir
Anasayfa
Site Haritası
Sitenize Ekleyin
RSS Kaynağı
Hakkımızda
Reklama
Gagauz Şarkıları
Biz kimiz
Facebook
Twitter
Baalantı
Copyright ©2013 - Tüm hakları saklı tutulmaktadır.
Bu sitede yayınlanan tüm resim, materyal ve içeriğin telif hakları tarafımızca saklı olup izinsiz alınıp kullanılamaz.
0,08ms