Haber Detayı
06 Kasım 2014 - Perşembe 20:04 Bu haber 2879 kez okundu
 
GAGAUZİYANIN SEVİLÄN SESİ
CÜMNÄ Haberi


PÖTR PETKOVİÇ50-ci YÜBİLEY YILDÖNÜMÜNÜ KUTLADI

 

     Gagauziyanın may herbir yaşayanı islää biler bu adamı, çalêr hem sever onun türkülerini.

O ­- gagauz  halkının oollarından  biri, angısı  kaldırdı gagauzların  kulturasını, türkücülüünü taa üüsek uurlara, gösterip nekadar gözäl, nekadar  havalı, nekadar şıralı, nakadar nazlı var nicä olsunar bizim türkülerimiz hem muzıkamız.

Bu insanın adı - Pötr Petkoviç, onu islää bilerlär diil sadece Gagauziyada ama sınır aşırında da.

       Pötr Petkoviç - muzıkant, türkücü, kompozitor, türkü sözlerinin avtoru, prodüser. Onun ellerindän ustacılık da geler, becerer yapmaa muzıka instrumentlerini. Bu sıraya ekleyäbiliriz, ani o iki uşaan bobası, artık son yıllarda, kısmet düştü, olmaa unukalarına  çok sevän hem sevilän genç dädu da.

      Gagauz halkının adetlerini koruyarak, Pötr İvanoviç, resimneer hem uşakalrı da üüreder yakma tehnikasını kullanarak, susakları gagauz koraflarınnan sarmaa, bundan kaarä o edendi susaan türlü çeşittä tohumnarını, üürendi onnarı büütmää, içini temizlemää, kurutmaa hem sonunda dekorativ bir gözellik üzä çıkarmaa.

       En büük paalılık, angısı gösterer türkücünün sevgisini gagauz halkına, eveldän kalma adetlerä, folklora, o - ani Pötr Petkoviç, düzdü küüdä  kendi ellerinnän gagauz aulunu, eski evini, bir küçük muzey yaptı. Temeli hem duvarları kendi kaldırdı, koca dermeni hem donatmaları aulun içindä, hepsini tenä-tenä toplayıp, kurdu ana küüyündä haliz gagauz köşesini. Buraya çekilerlär musaafirlär Gagauziyanın başka küülerindän, Moldovadan hem sınır aşırından da. Üç yıl geeri başladı burada koyulmaa temellär etno-kultur eri için, şindi hepsi hazır. İleriyä dooru var neettä hep bu kompleks içindä koval - nallama erini da halkımızın eski bir önemni zanaat erini kurmaa.

        Pötr Petkoviç, Gagauz türkücülerinin  arasında büük bir yıldız, angısının  şafkı  aydınnadêr genç talantların yolunu  da. Çoyuna o yardımcı oldu pay almaa dünnä uurunda türlü festivallerindä, konkurslarında, yazmaa ilk  albomnarını, üüretti sevmää  muzıkayı.

 

      Pötr Petkoviçin bütün aylesi baalı muzıka dünnesinnän: oolu Aleksandr - oynêêr türlü muzıka tertiplerindä, kızı – Valentina, turku çalêr hem muzıka derslerini verer kolejda. Uşaklarına var kimdän almaa örnek, çünkü kendisi, Petri, diil sade aazlan çalsın halk hem estrada turkulerini, ama çok ii oynêêr gaydada, kauşta, çırtmada, fortepyanoda.

       Yasamasinda  onun herzamankı diişmeyän büük yol yardımcısı – karısı, Fedora. Makar ki sţenalarda onu pek siirek var nasıl görmää, ama ürektän o hep kocasınnan. Hep muzıkaylan baalı hazırlanmaklar - bu  gözlän görünmeyän, ama çok kuvet alan ükü, herzaman sevgili eşi kendi üstünä alêr.

       Her işi, ustamız, çalışêr ii, becerekli, hem en üstün  uurda yapmaa. Buna örnek  “Bucak sesleri” etnokultura  festivali, angısını o seftä düzennedi Gagauziyada, Caltay küüyündä, da savaşêr onu yıl yıldan taa gözäl hem meraklı geçirmää.

      Pötr Petkoviçin    talantlı becermekleri belliydi taa küçüklüktän. Muzıkayı incä duymaa, havayı hızlı kapmaa, bilgileri kolay almaa becerärdi okul zamannarından beeri, - söler Petinin anası, Ekaterina Petkoviç.

        Büün da Pötr Petkoviçin evindä koorunêr garmonika, angısında o sefteledi kendi muzıka becermeklerini, o büün da tutêr  aklında ilk muzıka havasını, hem türküyü, ani seftä denediydi  çalmaa...

     Kendi zanaatını Pötr Petkoviç pek sever, sayêr ani dooru yolu ayırdı, bu zanaata o bütün yaşamasını baaşladı da hiç bir zaman bunun için pişman olmadı…

 

Pötr Petkoviç duudu 1964-cü yılda, Caltay küüyünda, çok uşaklı ayledä.

1981-dä, bitirdi küüdä orta okulunu. Onu  başardıktan sora gitti üürenmää Тiraspol  «Электромаш» zavoduna, tokar zanaatına. Ama, herzaman çekilärdi muzıkacılaa, onuştan 1984-cü yıldan 1987-ci yıla kadar üürendi  “Kultprosfet” uçilişçesındä, Soroki kasabasında. Onu bitirdiktän sora kendi becermeklerini  muzıka uurunda zenginnetmää deyni  Rusiyaya yollandı.

1989-cu yıldan 1993-cü yıla kadar Rusiyadakı  Himki kasabasında bitirdi İncäzanaat institudunu.

1987  yılda katılêr ilk konkursa «Днестровские зори », angısı geçtiydi ozamannar Kişinöv kasabasında.

Hep bu yılın kazanêr yılk medaliyi, ikinci sovetlär arası halk yaratmalarının festivalındä.

 

Büünkü gündä Pötr Petkoviç - Gagauziyanın anılmış kultura işçisi, Moldovanın şannı artistı, türlü dünnäarası festivallerin laureatı, prodüser merkezinin “Arzu” başı.

         DUUMA GÜNÜN KUTLU OLSUN MAESTRO!

                                                                                                                    Galina Maresyeva

Kaynak: Editör:
 
Etiketler:
Diğer Fotoğraflar




Yorumlar
Ulusal Gazeteler
Yazarlar
En Çok Okunanlar
Alıntı Yazarlar
Komrat
Çok Bulutlu
Güncelleme: 28.03.2018
Bugün
- 16°
Perşembe
- 15°
Cuma
- 10°
Anketler
Meydan! gazetası nasıl olmuş?
Komrat

Güncelleme: 28.03.2018
İmsak
04:33
Sabah
05:59
Öğle
12:27
İkindi
15:56
Akşam
18:43
Yatsı
20:02
Süper Lig
Takımlar
P
Av
M
B
G
O
1
Galatasaray
54
0
6
3
17
26
2
Medipol Başakşehir
53
0
5
5
16
26
3
Beşiktaş
50
0
4
8
14
26
4
Fenerbahçe
48
0
4
9
13
26
5
Trabzonspor
42
0
6
9
11
26
6
Kayserispor
41
0
7
8
11
26
7
Göztepe
40
0
8
7
11
26
8
Sivasspor
38
0
10
5
11
26
9
Yeni Malatyaspor
34
0
10
7
9
26
10
Akhisarspor
34
0
10
7
9
26
11
Bursaspor
33
0
11
6
9
26
12
Kasımpaşa
31
0
11
7
8
26
13
Alanyaspor
28
0
14
4
8
26
14
Antalyaspor
28
0
12
7
7
26
15
Osmanlıspor FK
27
0
13
6
7
26
16
Gençlerbirliği
27
0
11
9
6
26
17
Atiker Konyaspor
24
0
14
6
6
26
18
Kardemir Karabükspor
12
0
20
3
3
26
Arşiv Arama
Modül 1

Bu modül kullanıcı tarafından yönetilir, ister kod girilir ister iframe ile içerik çekilir. Toplamda kullanıcı 5 modül ekleme hakkına sahiptir, bu modül dahil tüm sağdaki modüller manuel olarak sıralanabilir.

Haber Yazılımı