Haber Detayı
07 Kasım 2013 - Perşembe 12:04 Bu haber 2417 kez okundu
 
MOLDOVANIN ANILMIŞ SPORT HEM FİZKULTURA ZAAMETÇİSİ
Bu sıralarda isteeriz annatmaa bilinän sport treneri için, angısının başarıları belli diil sade Gagauziyada, ama Moldova Respublikasının uurunda da.
SPORT Haberi


  Bu adam oldu 38 yıl zaamet eder sevgili sport dalına – basketbola.
 Çadır-Lunga kasabasında o sayılan hem sevilän insan. Büük profesional basketbol oyununda, işleer Uşak hem Gençlär Orta Sport Okulunda № 2, üürederäk  uşakları hem okulun öndercilik işlerini dä götürer.
    Açan İon Kränga adına Pedagogika Universitetini en üüsek notalarlan bitirdi, vardı kolayı işlesin Moldovanın sportlan baalı en ii iş erlerindä. Çadırlı  uşakların kısmetinä ecel getirdi onu kär bu taraflara, neredä büünkü günä kadar uşakları üüreder hem onnara bobalık yapêr – çünkü herbirinä annayarak hem severäk yaklaşım yolunu bulêr.
 Lafımız gider Eduard İvanoviç Kınçev için. Bölä insannar dünneyi zenginneder, çünkü onnar uşaklarımızı terbiyeder, en büük paalılıklara üüreder, sevgi hem ruh katêr.
 Bukadar yıl işleyeräk hem gagauz basketboluna büük katkı kazandırarak, Gagauziyada ona verilmedi pedagogika uurunda üüsek nışan, ama Moldova onun becermeklerinä üüsek nota koydu – «Moldovanın anılmış sport hem fizkultura uzmanı» adı verdi.
Eduard İvanoviçin üürenicileri artık diil bir kuşak diişilerlär. Onnarın çoyu Moldovanın toplu takımında oynêêrlar. Onun sportçuları Evropa çempionatlarından gümüş medalileri getirdilär.
 Eduard Kınçevı Çadırda hem dolay küülerdä biler may hepsi. Üüredicilerin, trenerlerin hem uşakların arasında pek lafçı, şen üzlü hem aktiv adam, ama, öbür taraftan, incä üzlü olduu için, sevmeer  çıkmaa publika yayınnarına. Sever dooruluu, sorumnuluu, maksimalist, neetinä koyan daavaları tamannamaa çalışan hem uşaklardan da hepsini bunnarı soran sport treneri hem saygılı  insan.


Bilersiniz mi, Konstantin, lafetmemizi başlamadaanan isteerim sizä şükür etmää, çünkü kendiniz dä üürediciysiniz hem voleybol oyunnarında trenersiniz. Siz islää annêêrsınız, nekadar lääzım işlemää, aniki gözäl hem profesional bir takım hazırlamaa yada sade bir oyuncu toplu takım için büütmää.
    Bän var nasıl hodullanayım hem sevineyim, ani geçmiş çalışma yıllarında oldum birkaç basketbol takımnarın treneri hem büüttüm çok üüsek ranglı oyuncu.   Tutêrım  aklımda, nicä 1978-ci yılda geldim buralara da dinmedään  işleerim basketbol standartlarına  pek uymayana sportzalda, angısı oldu benim ikinci evim. İsteerim sölemää, ani işimi pek beenerim, çünkü uşakları severim, sanêrım, bunsuz trener yok ne aarasın sportta.
Duudum bän Bolgrad kasabasında, ani Ukraynada bulunêr.
 Sormuştunuz, nasıl beni burada karşıladılar. Dooru söleyecäm, ozamannar kimsey ayırmardı insanı milletliinä görä. Şkolada lafedärdilär rus dilindä, ama kimsey bakmardı, nesoy millettänsin sän. Burada islää insannar, onnar beni ii karşıladılar, sayêrlar beni, bän dä hep ölä cuvaplêêrım.
      İlkin bän işledim basketbol treneri, ama ozaman taa çok istärdim işlemää üüredici orta şkolada. Oldum baş trener, çok yıl öndercilik ettim Uşak hem Gençlär  Orta Sport şkolasında, ama hep trenerlik tä yapardım uşaklara. 1987-2010 yıllarda  önderciydim – bu uzun zaman. Çalıştım sport okulunun problemalarını çözmää, trenerlärlän işlärdim, metodika uurundan yardımcı olmaa savaşardım, pay alsınnar halklararası turnirlerdä deyni. Ev işlerini dä elbetki yapmaa lääzımdı.
Bitki 3 yıl işleerim okulda zavuç. Bu bitki yıllarda burada öndercilik etti benim üürenicim İvan Petroviç Karapirä.
İsteersiniz bilmää, nesoy başarılara mı etiştim? Maksimalist olarak hep istedim üüsek uurlara etişmää. Takımnarı hazırlayarak, onnarı neetlendirärdim, ki bütün kuvetlerini bu işä koysunnar, çünkü sade ozaman başarılı olabilersin. Sevindirer üürenicilerim, ani çok kerä kazandılar Moldova çempionatlarında ilk erleri, çünkü Gagauziyada biz çoktan ilk sıraya geçtik. Var nasıl sıralayım sade büük başarılarımızı, neçinki katılardık sayısız turnirlerä Gagauziyada, Moldovada, Rusiyada, Sovet Birliin başka  devletlerindä hem herzaman baaşışlarlan dönärdik.
1977-ci yılda  Moldovanın kasabalar çempionatında ikinci grupada benim takımım çempion oldu. İki yıl sora da hep bu yarışmalarda ikinci eri aldı.
Üürenicim Valeriy Gerbalı (1962 y. d.) çıktı Moldovanın toplu takımınnan Sovet Birlii çempionatına Tbilisi kasabasında.
Gençlär takımı (1970 y. d.) aldı  respublikada 3-cü eri, onnardan iki oyuncu çıktı Sovet Birliin birinci ligasına. Birkaç üürenicim ilerlettilär işlerini Tiraspol sportinternatında, pay aldılar türlü büük türnirlerdä
Bitki takımım (1995-1996 yy. d.) – orada benim unukam da oynêêr – üç yıl oldu Moldovanın gençlär çempionatında  ikinci.
Şindiki üürenicilerimdän Pötr Lülenov iki kerä tanındı Moldova basketbolunun en ii oyuncusu. Evgeniy Zimovskiy da taa ileri Moldovanın en ii «orta poziţiyasını tutan» oyuncusuydu. Elbetki bu grupa, benim trenerlik karyeramda en ii sayılêr, çünkü başarılar belli. Seftä Moldovanın toplu takımına Evropa çempionatına küçük devletlär arasında Andorada girdi benim üç üürenicim: P. Lülenov, E. Zimovskiy, A. Guboglo. Onnar kazandılar gümüş medalileri, ama vardı nasıl altın da alsınnar, çünkü hazırlıkları pek islääydi. Sade 3 bal tarattılar bizim oyuncular San-Marino takımına.  Üürenicim Pötr Lülenov finalda pek ii oynadı. Moldovanın toplu takımına o getirdi 18 bal, makar boyu sade 186 sm, basketbol oyuncuları hepsi 2 metradan  taa balaban. Bu fantastikaydı. Sevinerim onun için hem düşünerim hazırlamaa onu oynamaa Rusiyada.
Şindi bulunêrım pensiyada, 63 yaşındayım, ama işleerim. İsteerim kolvermää grupayı, neredä oynêêr unukam, bundan sora trenerlik işimi bitirecäm.
 Benim bütün çalışma stajım – 44 yıl. Şükür, ani verdilär ad «Moldovanın anılmış sport hem fizkultura zaametçisi». Büünkü günnerä etişincä annadım, ani herbir iş için bu yaşamakta ödemää lääzım kendi çalışmalarınnan – başarılar, medalilär, kazanan erlär için, lääzım durmadaan işlemää.
Elbetki, birzaman da anılmak için iş yapmadım, ama gramota, premiya çalışma yıllarımda kablettim çok. Benim için önemni, ani üürenicilerim olsunnar diil sade sportçu, ama yaşamakta da  faydalı insannar. İsteerim sölemää, ani işledim hem kazandım ekmeemi sade kendi terimnän, istedim fayda getirmää hepsinä. Benim dört üürenicim trener oldular, çoyunu universitetlerä yolladım. Kimi sport trenerlerimiz, ekonomika durumundan kurtularak, başka devletlerä işlemää hem yaşamaa geçtilär. Lääzım bu uurda işleyän insannara da hazırlamaa iş erlerini nicä düşer, gitmesinnär buralardan deyni. Bu devlet uurunda bir problema, angısını lääzım hesaba almaa şindi, çünkü bir kısa vakıttan sora geç olacek.  
Var taa bir çempionum Moldova uurunda – Grigoriy Konstantinov, hepsini sıralayamayacam. Te bu duvarda başarılarımızın çoyu: gramotalar, medalilär, kuboklar, patretlär, gazeta yazıları anmak için.
Bitkidä isteerim sölemää, ani devlet lääzım ayırsın sport ilerlenmesi için finans yardımını. Şindi Moldovada en az finans ayırılêr «fizkultura hem sport» bölümünä, bu yannış, politika islää tarafa dooru lääzım diişsin, çünkü bizim geleceemiz – gençlär.

E. Kınçevı sesledi K. Kurdoglo

Kaynak: (İHA) - İhlas Haber Ajansı Editör:
 
Etiketler:
Yorumlar
Ulusal Gazeteler
Yazarlar
En Çok Okunanlar
Alıntı Yazarlar
Komrat
Gök Gürültülü Sağanak Yağışlı
Güncelleme: 20.08.2018
Bugün
14° - 26°
Salı
13° - 26°
Çarşamba
14° - 27°
Anketler
Meydan! gazetası nasıl olmuş?
Komrat

Güncelleme: 19.08.2018
İmsak
03:48
Sabah
05:23
Öğle
12:26
İkindi
16:10
Akşam
19:16
Yatsı
20:43
Süper Lig
Takımlar
P
Av
M
B
G
O
1
Beşiktaş
6
0
0
0
2
2
2
Evkur Yeni Malatyaspor
6
0
0
0
2
2
3
Galatasaray
6
0
0
0
2
2
4
Kayserispor
4
0
0
1
1
2
5
Atiker Konyaspor
4
0
0
1
1
2
6
Demir Grup Sivasspor
3
0
1
0
1
2
7
Fenerbahçe
3
0
1
0
1
2
8
Trabzonspor
3
0
1
0
1
2
9
MKE Ankaragücü
3
0
1
0
1
2
10
Kasımpaşa
3
0
0
0
1
1
11
Medipol Başakşehir
3
0
0
0
1
1
12
Antalyaspor
1
0
1
1
0
2
13
Bursaspor
1
0
1
1
0
2
14
Akhisarspor
1
0
1
1
0
2
15
Çaykur Rizespor
1
0
1
1
0
2
16
BŞB Erzurumspor
0
0
2
0
0
2
17
Göztepe
0
0
2
0
0
2
18
Aytemiz Alanyaspor
0
0
2
0
0
2
Arşiv Arama
Modül 1

Bu modül kullanıcı tarafından yönetilir, ister kod girilir ister iframe ile içerik çekilir. Toplamda kullanıcı 5 modül ekleme hakkına sahiptir, bu modül dahil tüm sağdaki modüller manuel olarak sıralanabilir.

Haber Yazılımı