301 Moved Permanently

Moved Permanently

The document has moved here.

Haber Detayı
07 Kasım 2013 - Perşembe 12:06 Bu haber 1974 kez okundu
 
KİYADA dooru adımnar, yada NASIL uşaa sevdirtmää kiyadı
Okuyarkan, uşak zenginneder kendi laf zebilliini. Üürener dooru kurmaa cümleleri hem açıklamaa kendi düşünmeklerini. Okumak oynêêr büük rol fonematika işitmesindä, dikkatlıında, aklında tutmakta, düş gütmesindä.
SAALIK Haberi


Ne verer uşaa kiyat? Neçin uşaa lääzım okumaa?

İslää kiyat – o diil sade bilgi kaynaa, uşaan lafetmä hem düşünmä kolaylıkları, ama kultura dünnesinä bir pençerä dä.
Literatura taşıyêr kendisindä insannık ideyalarını. Literatura yaratmalarının yardımınnan uşak üürener kulturayı, üürener yapmaa iilik, tanışêr insan paalılıklarınnan hem zenginneder kendi iç dünnesini.
Düşünüler, ani uşakları okumaya sınaştırılmasının baş neeti da buna baalı.
Okumak isteer uşaklardan çalışmak, dikkatlık, konţentraţiya, sabur.
Ama karışık hem üstün-körü okumak büük fayda getirmeyecek. Uşaa herzaman lääzım vermää kiyat meraklılıını, yardım etmää ayırmaa kiyat hem annamaa okunmuşu, terbiyetmää okumak kulturasını. Pek önemni üüretmää uşaa düşüneräk okumaa, koyarak ön plana maksimum sabur.
Var mı nasıl uşaa zorlan sevdirmää kiyadı? Te nasıl cuvap vermiş bu soruşa franţuz yazıcısı Daniel Pennak kendi pedagogika yazısında «Nicä bir roman»:
«İşlik "okumaa" azetmeer izin çalımından. Hep bu kategoriyaya o geçirer lafları: "sevmää", "düş gütmää"…
Denemää elbetki var nasıl. Deneylim mi? "Sev beni!" "Düş güt!" "Oku!"
- Git odana da oku!
Çıkışta? Hiç bişey».

 Çözüm yolları, yada NE yapmaa?
1. Sıkça uşaklara sesli okuyun. Uşak kendi okumaa üürendiynän dä, siz sesli okumayı brakmayın. Tutun aklınızda, ani okumak küçük uşaklar için  – en ilkin ana-bobaylan baalantı. Zaman-zaman okuyun uşaklan. İstäyin kimär sıra, açan var ev işleriniz, o sizä okusun.
2. Baaşlayın uşaklara kiyat. Üüredin kiyadı islää kullanmaa.
3. Ev bibliotekasına ayırın yaşına hem içindeliinä görä kiyatları, ani onnar olsun meraklı hem annaşılan uşaa deyni. Alatlamayın almaa eni kiyatları, taa okumadaan onnarı, ani var evdä.
4. Brakın uşak kendi ayırsın ev bibliotekasından kiyadı, angısını bilä okuyacenız. Okunmuşlara bilä analiz yapın.
5. Ayırarkan televizor, kiyat yada bilgisayar arasında, durgunun kiyatta.
6. Başlangıç kiyat tanışmasını yapınız meraklı, oyun gibi. Düşünün hem çıkardın uşaklan bilä kendi masallarınızı, olayları. Hazırlayın bu annatmalara görä küçük kiyatçıkları resimnärlän.
7. Kahırlanmayın, eer sizä gelärsä, ani uşak taa becermeer islää okumaa. Metedin hem kabartın onu okumanın her etapında.
8. Yaraştırmayın kendi uşaanızın üürenmäk becermelerini başka uşaklarlan. Hesaba alın onun özel individual becermelerini hem kolaylıklarını.
9. Okuyun kendiniz, göstereräk uşaanıza örnek.
Eer siz sevärseniz okumayı, belli, ani bir kerä uşaanız da okumak için ellerinä alacek kiyadı KENDİSİ.

Kaynak: (İHA) - İhlas Haber Ajansı Editör:
 
Etiketler:
Yorumlar
En Çok Okunanlar
Divizia Națională EDIŢIA 2019
CLASAMENT 
LOC ECHIPĂ MECI   VIC.   PUNCTE
1 DINAMO-AUTO 1 1 3
2 SFÎNTUL GHEORGHE 1 1 3
3 SHERIFF  1 1 3
4 PETROCUB-HÎNCEŞTI 1 1 3
5 SPERANȚA 1 0 0
6 ZIMBRU 1 0 0
7 MILSAMI 1 0 0
8 CODRU 1 0 0
Anketler
Meydan! gazetası nasıl olmuş?
Arşiv Arama
Haber Yazılımı