301 Moved Permanently

Moved Permanently

The document has moved here.

Haber Detayı
22 Temmuz 2013 - Pazartesi 16:10 Bu haber 1511 kez okundu
 
ORİGİNAL “ORGANİK” RESİMNÄR GAGAUZ MARKASI
-1
Arşiv Haberi


 Bu resimneri yapmak için toom hem çekerdek kullanılêr, o üzdän ilkin hazırlık işleri başlêêr. Meyva, zarzavat hem booday çeşitleri toplanêr, kurudulêr, işleniler, paklanêr, ayırılıp boyanêr. Bildiimiz gibi diil bu iş...
Resimnerin avtoru söleer, ani işlerindä kullanêr yakın 200 türlü toom hem çekerdek çeşitlerini. Örnek gibi söleyelim, ani sade fasülenin 11, papşoyun 5 çeşidini kullanêr Mariya Deli.
Mariya Vsilyevna Deli – komratlıyka. Duudu 13.03.1955 yılda. Çok yıl sıravardı işleer Gagauziyanın çiftçilik, daacılık hem ekologiya bakannıında. En sevgili hobisi – toomnardan resim dizmää. Bu işi ilk kerä denedi 2008-ci yılda yapmaa. 2009-cu yılda ilk sergiyä Kişinövda katıldı. Hep 2009-da seftä Gagauziyanın   en ii el ustası bildirildi. Ondan sora bu yıla kadar iş adamnarı konkursunda hep en ii el ustası olarak tanınêr.
Sergilerä katıldıkça Mariya Delinin resimneri başladılar tanınmaa aşırıda da. Büünkü günädän resimnerin bulunduu erlerin geografiyası genişlendi, onnar satıldılar ölä devletlerä nicä: Türkiyä, Rusiya, Biyaz Rusiya, Azerbaycan, Ukrayna, Kitay, İtaliya, Franţiya, Amerika, Moldova.
“Elbetki, çok zaman isteyän, ama kafa dinnendirän hem can raatladan bir zanaat bu – söleer Mariya. – Bir-iki günnük iş diil bu. Bir resim üzä çıkarmak için birkaç etap geçiler. İlkin lääzım ayırılsın süjet hem onun büüklüü, sora onun için temel hem çerçevä  hazırlanêr; toomnar renklerä hem büüklüünä görä ayırılêr; temelä yapıştırılêr; hazır resim kurudulêr, iki kat kley sürüler; tekrar kurudulup, iki kat laklanêr.
Bu resimnerin inceliini siiretmäk için 2-3 metra uzaklıktaan bakılarsa,  taa islää görüner“, – nışannêêr avtor.Resimnerin kolay koruma hem kullanma kuralları da var, angılarınnan Mariya tanıştırêr onnarın saabi olmaa isteyennerini.
Mariya Deli kendi işlerini  sergiledi Türkiyä, Rusiya, Biyaz Rusiya hem Franţiyadan  Gagauziyaya gelän ofiţial delegaţiyalara.
Unikal gözelliktä yapılan resimnär için hem Mariya için annattı diil sade Gagauziyanın radioları, televizionnarı, gazetaları, ama Moldova, Franţiya, İtaliya, Rusiya hem başka devlet mass-mediaları da.
 Galina Maresyeva
Kaynak: (İHA) - İhlas Haber Ajansı Editör:
 
Etiketler:
Yorumlar
Divizia Națională EDIŢIA 2018
CLASAMENT
LOC ECHIPĂ MECI   VIC.   PUNCTE
1 SHERIFF 28 19 63
2 MILSAMI 28 13 45
3 PETROCUB-HÎNCEŞTI 28 12 45
4 SPERANȚA 28 9 38
5 ZIMBRU 28 9 36*
6 DINAMO-AUTO 28 7 28
7 SFÎNTUL GHEORGHE 28 6 26
8 ZARIA 28 4 22
Anketler
Meydan! gazetası nasıl olmuş?
Arşiv Arama
Haber Yazılımı