Yardım sona kadar bütün ürektän
-1
994 defa okunmuş - 20 Şubat 2013 - Çarşamba 12:49
GRT-ya Türkiyadan gelän yardım studiyaların enilenmesinnän, tehnikanın erleştirilmesinnän bitmeer. Bu proekt islää düşünülmüş, çünkü esaba alınmış hepsi önemli noktalar. Studiya hem lääzımnı donatımnar yapıldıktan sora yaşayannarımız ekranda nasıl kalite göreceklär? Radiodan – nasıl kalite işideceklär? Bu proţes tamannansın deyni bir taraftan düzmäk, enilemäk işleri yapılarkana, öbür taraftan programacılar, habercilär hem dä tehnik personal dünneyin en büük hem ilerdä gelän televizionnarın birindä, TRT-da kurs alêrlar. Cannı yayın, kamera, montaj, haber, radio işi h. b. – bu konularda taa becerekli hem bilgili olmaa deyni bizim GRT-cılar TRT-dan kolegalarınnan ortak herbir işi yapêrlar, bilmediklerini üürenerlär. Hem profesionallık edenerlär, hem dost sayısını zeedeleerlär. GRT çalışannarına deyni kurslar: “Yurtdışı Türklär ve Akraba Toplulukları Başkanlığı” hem TRT işbirliinnän hazırlandı. Bu proektin aslıya çıkması hem hızlı yapılması Dünnä Gagauzların 3-cü kongresinä gelän TRT Genel Müdür Yardımcısının sayın Zeynel KOÇun sayısında oldu. Lääzım sölemää, ani GRT hem TRT kurumnarın aralarında işbirlik için protokol imzalandı. Sayın Zeynel Koç GRT-nın başınnan Ekaterina Jekovaylan kurs hem başka işbirliklär yapılmasınnan baalı programayı kurduktan sora “Kısadan” programanın musaafiri da oldu. ALLA UZUN
Sağ üst butonu tıklayarak geri dönebilirsiniz...