Bän pafosu hem banal işleri birdän silip atêrım
0
997 defa okunmuş - 28 Şubat 2013 - Perşembe 20:28
Saveliy  Kösä? Bän pafosu hem banal işleri birdän silip atêrım. Nekadar bän onu tanıyardım, taa doorusu, nekadar o yaklaştırardı insanı kendisinä, annardım, ani Saveliy haliz “Büük”  adam. Bir taraftan, başkaları gibi insan, ama içtän incä duygulu hem cana yakın, aalemin acısına el verän insandı. Kendim dä incäzanaata baalı olup, Savadan, işlärkäna birliktä,  çok örneklär aldım: en ilkin, işindä çalışkan hem istemekli olmaa.  Şindi may bulunmêêr  ölä kişilär, ani kendi işinä bütün, sona kadar kuvedini koysunnar.
Siirederäk, nasıl hem nicä Sava yapêr işini (koyarkana spektakliyi “Evlenmäk”), bana gelärdi, ani o işinnän soluyêr. Okadar dalardı işinä, ani kimär kerä sansın  zaman durgunardı onun dolayında. Mutluyum, ani yaşamak beni sıradan olmayan bir insannan tanıştırdı! Elbetki, onun için taa çok sölenecek...
Önemli, ani Sava gururlu, buluşmalarlan, duygularlan dolu  yaşamasını, hiç diişmedäänän, yazıldıı çiziyä kadar getirdi.  Kolay hem raat zaman onun için, sansın  hiç olmadı. Bana deyni Sava hep ölä dä genç, dolu energiyaylan hem şen üzlü  kalacek. Topracıı ilin olsun! Hep analım!


Sağ üst butonu tıklayarak geri dönebilirsiniz...