ANKARADA PASKELLÄ HEM HEDERLEZ KUTLAMASI
-1
1160 defa okunmuş - 25 Mayıs 2013 - Cumartesi 14:17
Organizat etti bu yortular kutlamasını Ankaradakı gagauzlar.  Bu piknӓӓ Ankarada yaşayan bütün moldovalılar teklif edildi. Piknik bununnan da sınırlı kalmadı, İstanbulda, Bursada, Edirnedä, Eskişehirdä yaşayan moldovalılardan da katıldı 13 üürenici  Başka kasabalarda yaşayan moldovalıların bu şennӓӓ katılmasına pek sevindik.
Pazarın erken vakıdında toplanıldı. Buluşannar “Hristos dirildi!” – “Hakına dirildi!” laflarlan selämnedilär biri-birini. Hep birliktӓ sabaa ekmeeni idilär. Türlü-türlü imeklerin yanında, adetӓ görӓ, sofrada hem boyalı yımırta, hem dä paska (kozanak) ikram edildi. Vatanından uzakta olan bu dostlarımız hristiyan adetlerini dä düzgün yapmaa savaştılar. İmӓӓ başlamadaan hep birliktӓ dua okudular.
Pikniktä gün boyunca  gagauz türküleri çalındı, halk oyunnarı oynandı, sport yarışmaları yapıldı. Yarışmaları kazanannara baaşışlar verildi. Hep birliktӓ hem dinnenildi, hem imeklär hazırlandı. Çocuklar mangal başında lokmaları pişirdi, kızlar salataları yaptı.  60 kişidän zeedä bir sofraya toplandı.
Kimsey annamadı, nicӓ gün geçti. Taa karannık çökmää başladıı zamana kadar dostlar barabar iilendilär. Daalışırkana da hepsi sölärdilär, ani vakıdı pek gözӓl geçirdilär, hem ani isteerlär gelän yıla Paskellӓ yortusuna taa büük kalabalık  toplansın. Allah izin verirsӓ, neçin olmasın!
Nina Petroviç
İrina Üsümbeli

Sağ üst butonu tıklayarak geri dönebilirsiniz...