GAGAUZİYADA ENİ YAZ SPORT SEZONU AÇILDI
-1
1403 defa okunmuş - 29 Haziran 2013 - Cumartesi 15:28
Bu yıl da mayın 18-dä genç hem uşak sport okullarının üürenicileri adetçä yaptılar parad, sora stadionun orta erindä ofiţial açılış için dizildilär. İlkin kutlamak sözünü söledi sport bakanı İvan Mavrodi. Ondan sora sportçuları selämnedi Gagauziya Başkanın ilk yardımcısı Valeriy Yanioglo. O nışannadı, ani Bakannık komiteti savaşacek taa çok yardımcı olmaa problemaları çözmää hem taa üüsek uurlara etişmää deyni. Bu gündä, adetä görä, açıklandı geçän yılın yarışmalarda başarıları, en ii sportçulara gramotalar hem para premiyaları verildi. Moldova hem Gagauziya gimn duruşunda respublikanın hem avtonomiyanın bayrakları kaldırıldı. Ofiţial açılıştan sora geçti futbol, voleybol, şaşki hem şahmata oyunnarı, güreş hem atletika yarışmaları. Elbetki, ilk erleri alannara baaşışlar verildi. Bir moment sade boşluk braktı... Yazık, ani bölä büük yortu için az siiredici toplandı, sportçularımız da neçinsä hepsi katılmadılar – deyelim, Valkaneş dolayından gelän yoktu. Beki onuştan, ani cumertesi iş günüydü... Hem islää olaceydi sport sezonun açılışına hepsi küülerdän dä, okullardan da fizkultura üüredicileri çaarılsınnar.  

Sağ üst butonu tıklayarak geri dönebilirsiniz...