İLK DEVLETLÄRARASI ETNOESTRADA YARIŞMASI CALTAYDA
-1
1302 defa okunmuş - 22 Temmuz 2013 - Pazartesi 16:08
Bölä iniţiativaylan  Kultura bakannıına hem İspolkoma anılmış kompozitor, türküçü Pötr Petkoviç danıştı. İspolkom bu hayırlı iş için 30.000 ley vermää karar aldı.
Katılan türkücülär geldilär: Gagauziya, Ukrayna, Bulgariya, Moldova, Rusiya, Krım, Türkiyä, Polşa devletlerindän.  Yaş sınırları 18 – 50. İlk iki gün yarışmalar Caltay küüyündä geçtilär. Bölä iki konkurs günnerinä iyül ayın 11-12-dä türlü millet dillerindä türkülär çalındı, Caltay gagauz aulunda gözäl seslär işidildi. İkinci günü herbir katılan türkücu kendi ana dilindä türküsünü çaldı. Gala-konţert Kongaz küüyündä yapıldı. Burada Moldova hem Gagauziyanın tanınan artistleri siiredicileri sevindirdilär. İlk ”Bucak sesleri” konkursunda Birinci er için – 1000 , ikinci – 500, üçüncü – 300 dolar verildi. Hepsi pay alannar için sertifikatlar,  baaşışlar hazırlandı. “Meydan” gazetasının da baaşışı Polşadan gelän türkücüyä verildi. Bölä, küsülü kimsey kalmadı, herbir türkücü hesaba alındı.  1-ci er – Cem Gürdal (Türkiya), 2-ci er – Vasiliy Olaru (Moldova), Larisa Sprinçan (Pridnestrovye), 3-cü er – Elzara Esogolieva (Krım), Natalya Neçeva (Ukrayna).
Konkursun organizatoru Pötr Petkoviç gözäl bir adet başlattı Gagauziyada, kendi küüyüündä. Petro hem Pavli yortusunu da kalabalık hem şen atmosferada kendi küülülerinnän hem gelän musaafirlärlän bilä kutladı.
Taa derindän “Bucak sesleri” etnoestrada
yarışması için okuyunuz gazetamızın sıradakı sayısının sayfalarında.

Sağ üst butonu tıklayarak geri dönebilirsiniz...