ONNAR İÇİN OKUL ZAMANI BİTTİ
Gagauziya İspolkomu giriştirdi avtonomiyada eni yortu. Okulu başarannar için bu gün adetçä nışannanêr artık 7 yıl sıravardı Komradın merkezindä.
1764 defa okunmuş - 22 Temmuz 2013 - Pazartesi 12:55

Gagauziya İspolkomu giriştirdi avtonomiyada eni yortu. Okulu başarannar için bu gün adetçä nışannanêr artık 7 yıl sıravardı Komradın merkezindä. Eni yola çıkan Gagauziya liţeylerindän üürenicilär bitki kerä bukadar kalabalık sayıda bir araya toplanêrlar. Hepsi gözäl, tertipli hem en önemnisi ? bilgili. Sıraylan Gagauziyanın 30 liţeyindän sınıflar geçerlär renkli meydana. Bu görüntü insanın gözünü yısıdarak umut verer, ani burada yaarınkı günümüzün doktorları, üüredicileri, injenerleri hem başka speţialistleri bir arada toplu. Ama sade birkaç gün sora hepsi uçuşaceklar da kim bilir nezaman taa bölä buluşaceklar...
Komrat meydanın sţenasında kutlandı en ii üürenicilär. Kendi nasaat sözlerini söledilär Gagauziya öndercileri hem Moldova Parlamentinin deputatları. Yortu göktä patladılan salütlarlan bitti. Her yıl üürenicilär için buluşma gününün sponsoru kompaniya ?Oranj? olêr.

Sağ üst butonu tıklayarak geri dönebilirsiniz...