VETERANNAR ARASINDA HALKLARARASI TURNİR
İkinci yıl sıravardı Çadır dolayı veterannarın voleybol toplu takımı pay alêr halklararası turnirdä. Bu turnir yapılêr Nikolay Kurdoglonun iniţiativasına görä, angısı pek sever bu sport dalını hem dinnenmäk bazasının başı sayılêr.
1543 defa okunmuş - 22 Temmuz 2013 - Pazartesi 12:52

İkinci yıl sıravardı Çadır dolayı veterannarın voleybol toplu takımı pay alêr halklararası turnirdä. Bu turnir yapılêr Nikolay Kurdoglonun iniţiativasına görä, angısı pek sever bu sport dalını hem dinnenmäk bazasının başı sayılêr.
Voleybol turniri geçiriler Kara Denizin boyunda, Primorskta, ?Meliorator? dinnenmäk bazasında. Ev saabileri burada hazırlamışlar uygun voleybol meydanını, hem pek islää karşıladılar gelän musaafirleri. Yarışmalara katıldılar takımnar bölä erlerdän, nicä: Kişinöv, Vadul-luy-Voda, Tarutino, Sarata, Besarabka, Tvardiţa hem Çadır-Lunga dolayı.
Turnir üüsek kalitä uurunda geçti. Bakmayarak pek sıcak havaya, açık oyun erindä gösterdilär tehnikalı hem türlü taktikalı gözäl oyun. Gezän kupayı kazandı Kişinövdan gelän takım. 2-ci oldular sportçular Vadul-luy-Voda takımından, üçüncü erä veterannar Saratadan erleştilär. Çadır-Lunga dolayın oyuncuları gösterdilär islää voleybol da kablettilär turnirin gramotasını 4-cü er için. Bu da ii bir başarı! Gagauziyanın takımına girdilär: kapitan K. Keleş, İ. Kioroglo, P. Telpiz, K. Kurdoglo, D. Lülenov, D. Vornikov. Takımı temsil etti İ. Dimitrov.

Sağ üst butonu tıklayarak geri dönebilirsiniz...