KOMRAT KASABASININ KURBAN GÜNÜ
Yortu duası sabaalen saat 7-dä ayazmadan başladı.
2175 defa okunmuş - 25 Eylül 2013 - Çarşamba 12:51

Yortu duası sabaalen saat 7-dä ayazmadan başladı. Bukadar erken vakıtta artık geldiydi okadar çok kişi, ani belli oldu, ki küçücük kliseyä hepsi sıyamaz. Bu üzerä kararlandı liturgiyayı dışarda yapmaa. Liturgiyada, angısını yaptı protoierey Feodor Karabacak hem cümnä başı ierey Sergiy Kopuşçu, komka aldı elli kişidän zeedä insan. Ama dua edennerin sayısı ikiüzdän da zeedäydi. Dua etmää hem halkımıza deyni bu büük yortuyu kutlamaa deyni liturgiyada bulundu Gagauz Respublikasının ilk prezidenti S. Topal hem Moldova Parlamentinin deputatı İ. Vlah. Liturgiyadan sora boba Sergiy söledi nasaat Saabinin Simasının Diişilmesi için, kutladı hepsi dua edenneri hem kısaca annattı klisenin durumu için. Sora yapıldı dua izmeti, angısında ayozlandı meyvalar. Ondan sora hepsi teklif edildi sofraya, angısı geçti sıcak kardaş hem sevgi atmosferasında. (Viktor KOPUŞÇU)

Sağ üst butonu tıklayarak geri dönebilirsiniz...