BALKAN PEETÇİLERİNİN BULUŞMASI GAGAUZİYADA
Balkan devletlerindän musaafirlär birkaç gün Gagauziyada bulundular. Peetçilär tanıştılar Beşalma muzeyin salonnarında bulunan eksponatlarlan, bilgilärlän. Dolaştılar Dmitriy Karaçobanın mezarını.
1185 defa okunmuş - 09 Aralık 2013 - Pazartesi 15:02

          Uluslararası 2-ci Balkan şairleri buluşmasının ilk payı Caltayda geçti.

 Pötr Petkoviçin kurduu gagauz aulunda Balkan peetçileri okudular peetlerini türk dünnesinin dillerdindä. Hepsi pek islää hazırlanmıştı, çünkü caltaylılar gelän musaafirleri hem gagauz peetçilerini dä sıcak karşılaadılar.

         İkinci günü peetçilär okudular kendi yaratmalarını  Tomay küüyün Kultura Evindä. Toplantıya geldilär Gagauziyada vizitlän bulunan Türkiyä Baş bakan yardımcısı Bekir Bozdağ delegaţiyaylan hem Gagauziyanın Başkanı Mihail Formuzal. Tomaylılar  karşıladılar musaafirleri halk oyunnarınnan. Bitkidä peetçilerä hem musaafirlerä verildi diplomnar hem baaşışlar.

         Lääzım sölemää, ani buluşmalardan sora çıktı peet toplumu, angısına girdilär toplantıya katılan avtorların yaratmaları. Peet toplumu daadıldı siiredicilerä hem pay alannara. Gagauziyada bu buluşmayı geçirmää çalıştılar Edirne administraţiyası hem «Meras» dernää.

 

Sağ üst butonu tıklayarak geri dönebilirsiniz...