ENİ ÇASOVNÄ
2886 defa okunmuş - 09 Aralık 2013 - Pazartesi 15:29

Bu yıl Baurçuda mezarlıın aulunda açıldı hem ayozlandı eni kapella (çasovnä). Bu adet yapıldı Büük Paskellä Pazarında. Hayırlı işi başa çıkarmaa deyni iniţiatorların hem sponsorların büük katkısı oldu. Proekt dokumentlerini, işlerin finans edilmesini, götürülmesini üstünä aldı bir aylä: Anna Bolşova hem onun oolu Vasiliy Kadın. Bütün küü şükürlü bu insannara, ani tutundular da başa çıkardılar gözäl dua evini. Bu yapıda bitki yola geçiriler yakınnar, ölmüşlär için okunêr dualar. Klisenin popazı Boba Petri şükür etti iilikçi ayleyä hem  danıştı insannara,  ki unutmasınnar, ani iilik yapmak – büük Allah işidir, ani iilik yapannarın işleri hayıra geçer.

Sağ üst butonu tıklayarak geri dönebilirsiniz...