DEKABRİ AYIN 23-dä 1994-tä – GAGAUZİYANIN KURULMASI OFİŢİAL OLARAK TANINDI
2289 defa okunmuş - 23 Aralık 2013 - Pazartesi 16:24

•Seftä gagauz halkın problemaları başlandı ortaya getirilmää diskusiya klublarında 1980 yılların sonunda.

•1989-da kuruldu Gagauz Halkı dernää. Hep bu yıl yapıldı syezd, neredä açıklandı, ani kuruldu Gagauz Avtonom Sovet Soţialist Respublikası Moldaviya Respublikasının içindä. Ama ertesi gunu Moldaviya Üüsek Soveti bu kararı antikonstituţiyalı buldu, onu tanımadı.

•1990-cı yılın avgust ayın 19-da Moldovanın üülen tarafından hepsi uurlardan toplanan deputatlar açıkladılar, ani kuruldu Gagauz Respublikası. Moldaviyanın Üüsek Soveti bu kararı da hesaba almadı, antikonstituţiyalı saydı. Bölä dört yıl Gagauz Respublikası tanınmamış olarak yaşadı. Kuruldu hepsi devlet öndercilik organnarı, Halk Topluşu, ayırıldı prezident.

•1994-cü yılda Moldova öndercilerinnän yapılan buluşmalar bir karara getirdi. İmzalandı dokument gagauzların avtonomiyası için. Dekabri ayın 23-dän beeri Gagauz Respublikası tanıner Gagauziya (Gagauz Yeri) Avtonomiyası olarak.

   Büüna kadar Avtonomiyada çok işlär yapıldı yuridik, dokumentaţiya hem yaşamak sferalarını genişletmäk için. Avtonomiyanın kurulma gününä kadar hem sora da saalıını, zamanını, yaşamasını bu önemni zaametä veran insannara büünkü gündä, şükürlüyüz. Uşaklarımız şkolalara gezer, insannarımız dünnedä halk olarak tanınêr, kartada kasabalarımız, küülerimiz yazıler – bunnar için şükürlüyüz! Bizä annadılan dedelerimizin istoriyasını, onnarın kahramannıını, büünkü günnerä bizi getirän yolları evlatlarımıza hodulluklan brakmaa hazırız.

Sağ üst butonu tıklayarak geri dönebilirsiniz...