KOMRATTAKI UŞAK RESİM OKULU 30-CU YILDÖNÜMÜNÜ KUTLADI
30 yıl geeri gagauz resimcisi Dimitri Savastin düşündü açmaa uşaklara deyni resim okulunu, hem bu iş gerçek oldu. Taa sora okula verildi kurucusunun adı, da büünä kadar bu yaratma evi taşıyêr Dimitri Savastinin adını.
1458 defa okunmuş - 24 Aralık 2013 - Salı 11:20

  Burada uşaklara renkli dünneyin inceliklerini annadêrlar, teoriya hem praktikadan kaarä, küçüklerin ruhunu zenginnederlär.

  İlkin okulun direktoru Dimitri Savastin oldu, ama taa sora, 1992-ci yılda, onun erinä becerekli hem genä dä profesional resimci, kendi oolu Sergey Savastin geldi. Yılda birkaç kerä uşakların resimneri sergilenerlär, kimi yaratmalar okadar becereki çıkêrlar, ki zor ayırmaa profesional resimcilerin işlerindän.

  Uşak Resim okulunun 30-cu yaşı kutlandı Komrattakı Resim galereyasının salonunda. Hep burada da gençlerin eni resim sergisi açıldı. Kutlamaa üürenicileri hem üüredicileri geldilär öndercilär, bu okulu başarannar, resim dünnesinä yakın olannar.

  30-cu yıldönümünä adlı 2013-2014 yıllar için okulun üüredicileri hazırladılar gagauz dilindä uşakların resimnerindän duvara asmaa deyni kalendarları.

  Uşak resim okulu Komratta açıldı 1983-cü yılda kasımın 1-dä.

 

Sağ üst butonu tıklayarak geri dönebilirsiniz...