19 yıl geeri, kırım ayın 23-dä, Moldovanın Parlamenti kabletti kanonu Gagauziyanın kendibaşına ofiţial statusu için.
1218 defa okunmuş - 28 Ocak 2014 - Salı 14:05

   Adetä görä, toplantıyı açtı Gagauziyanın Başkanı Mihail Formuzal. Söz tuttu Halk Topluşu başının yardımcısı Aleksandr Tarnavskiy, Büük elçiliklerin temsilcileri hem Moldovada diplomatik misiyalarını yapan başka musaafirlär dä kutladılar gagauz halkını. Başkanın imzalanmış kararına görä, Gagauziyanın en büük ödülü  “Gagauziya devletliin kaavileştirilmesi, önemni işleri hem yapılmış dostluk baalantıları için” verildi dört kişiyä, onnar – Stepan Topal, Mihail Kendigelän, Leonig Dobrov hem Suat Günsel.

   Gaguz Respublikanın prezidenti Stepana Topal: “Bän paylaşêrım bu ödülü gagauz karılarınnan, angıları kendi uşaklarınnan bilä kapadılar yolları, brakmadılar topraklarımıza volontörlar geçsinnär. Paylaşêrım onu Türkiyenin öndercilerinnän, ilk sırada Suleyman Demirellän, angısı çok yaptı, aniki kurulsıun Gagauziya”.

   Üüsek Sovetin predsedateli Mihail Kendigelän kabledärkän ödülü söledi: ” Bu ödülü kazandı bütün halkımız, biz istediimizi yaptık, çünkü birliktä bir neetimizä dooru gidärdik. Ama şindi Gagauziya paralanêr, Moldova istämeer olmaa Gagauziyanın garantı, istämärsä – ozaman biz isteyecez bizim garantımız olsun Türkiyä hem Rusiya”.

Hep ölä ödüllär verildi gagauz aktivistinä Leonid Dobrova hem Poyraz Kipru Universitetinin rektoruna Suat Günselä. Yortunun ofiţial payından sora programayı ilerletti konţert, angısına katıldılar Gagauziyanın kolektivleri, genç türkücüleri hem oyuncuları.

 

www.gagauzinfo.md 

 

 

 

İlgili Fotoğraflar
Sağ üst butonu tıklayarak geri dönebilirsiniz...