Suleyman Demirel taa gelmediydi Komrada, neredä o hazırlanardı Atatürk adına bibliotekayı açmaa, açan bir serbest gazetada çıktı statya «Kolegaların binasını aldılar». Biliner, ani ilerdän burada «Gagauziya haberl- еri» gazetanın redakțiyasıydı. Statyanın sonunda avtor yazmış, ani «biblioteka adınnan paraları aşırdêêrlar».
1311 defa okunmuş - 29 Ocak 2014 - Çarşamba 11:03

  «Gagauzlara türk bibliotekası, nicä bulgarlara – makedon, moldovannara – italyan kiyat binası...». Ama 15 yıl geçti. Biblioteka nışannadı yıldönümünü bu yaz. Kısa zamanda o Gagauziyada kultura hem aydınnadıcılık sırasında kendi erini buldu. Bütün Moldovada hem başka devletlerdä bibliotekayı tanıyêrlar. Burada geçer türlü buluşmaklar yazıcılarlan, resimcilärlän, düzennener resim sergileri. Çok sıra geçer poeziya toplantıları, buluşmak hem tanışmak eni avtorlarlan, onnarın yaratmalarınnan. Çok resim sergisi geçti 15 yılın içindä. Delegaţiyalar aşırı memleketlerdän dayma geler burayı. Genç yaradıcıların konkursları geçti 3 sıra. Onnarın işleri tiparlandı 2 kiyatta.

   Çok zaamet koyêr hem çalışêr bibliotekada işleyän insannar: bibliotekanın başı Vasilisa Tanasoglu hem onun yardımcısı Praskovya Kara. Bu yıl onnar hazırladı hem gözäl geçirdi bibliotekanın 15-ci yıldönümünü. Büün biblioteka türk dostların yardımınnan enidän düzgünnendi – 3 ayın içindä yapıldı remont. Bina taa gözellendi. Mebel diişildi, düzeldi odalar, taa aydınnık hem kuytu oldu burada. Dizili sergennerdä gözäl hem meraklı kiyatlar, jurnallar, gazetalar. Taa bir eni resim sergisi açıldı. Türk dostları çok yardım eder. Biblioteka oldu nicä bir dostluk köprüsü Gagauziyanın hem Türkiyenin arasında. Sevineriz kolegaların işinä. Onnara saalık hem ii başarılar ileri dooru dileeriz!

Vera Çimpoeş, KDU bibliotekanın başı

Sağ üst butonu tıklayarak geri dönebilirsiniz...