Aazının dadını bilennär MEYDANın imäk sayfasını okuyêr...
1566 defa okunmuş - 29 Ocak 2014 - Çarşamba 12:49

Ne lääzım:

Pirinç bulguru (plov) için:

*1 su filcanı pirinç

*1 paket et suyu (bulyonu)

*7-8 kaşık oloy

*1.5 filcan su

*tuz

Pirinç bulguruna katılaceklar:

*4 kaurulmuş biber

*7- 8 kaşık konserva papşoy

*1/2 demet marar

Sous için: Birkaç patlacan, sarmısak,1 çay kaşıı şeker, 1 büük kaşık sirkä, 1 püskä tuz, kaurulmuş mor patlacan dilimneri.

Hazırlanması:

İstediiniz kadar mor patlacannarı yıkayıp, tuzlu suda yarım saat bekledelim. Kurulayıp, tombarlak halka gibi kesip, kızgın oloyda kauralım. Pirinçleri yıkayıp süzelim. Oloyda 5 minut kadar kauralım. Et bulyonunu, tuzu hem suyu da döküp, karıştırıp, brakalım pişsin. Kaurulmuş biberleri, biraz suuduktan sora, doorayalım, mararları ufak kıyalım, papşoylarlan bilä pirinç bulgurumuza ekleyelim bilä pişsinnär. Patlacannarı rendeleyelim, sarmısak, sirkä, tuzu – 5 minut orta ateştä, suyunu çekincä kadar pişirelim. Servis yapacaamız çiniyä ilkin bir dilim mor patlacanı erleştirin, üstünä bulgur pirincimizdän koyun, sora taa bir mor patlacan diliminnän kapaklayın. Üstünä patlacan sousunu gezdirin. Hepsini mor patlacannarı kat-kat dizin. Burgerlar hazır.

Bereketli olsun!

Sağ üst butonu tıklayarak geri dönebilirsiniz...