ХХ-ci Halklararası boks turnirindän gagauz sportçuları iki altın hem bir bronza medali getirdilär.
1935 defa okunmuş - 04 Şubat 2014 - Salı 10:07

  Anılmış trenerlerin D. Dadianın hem R. Şustovun anmasına büüklär arasında boks turniri Tiraspoldä geçti. Bu yarışmalara katıldılar Moldova, Ukrayna, Osetiya, Azerbaycan sportçuları.

  Gagauz boksçuları Moldovanın toplu takımına genä medali getirdilär. Komrattakı sport şkolasından çıkan, ama Tiraspol için güreşän Dmitriy Ganev (64 kg) hem Veniamin Songorov (90-dan zeedä kg) “altın” kazandılar. Genä Komrattakı Sport liţeyinin üürenicisi İvan Petrov “bronzayı” aldı. Sportçuların treneri Şerali Turgunov söledi, ani yarışmacılar islää güreşi gösterdilär, ьkazanılan sonuçlar da onu mutlu etti.

  Not: Komrattakı Sport liţeyin boksörları 2013-cü yılda türlü türnirlerdä kazandılar 33 medali. Moldova çempionatlarında: 3 altın, 7 gümüş, 2 bronza; halklararası turnirlerdä: 5 altın, 7 gümüş, 9 bronza medali.

Kaynak: Gagauzinfo.md

Sağ üst butonu tıklayarak geri dönebilirsiniz...