XXII-ci Kış Olimpiadası
1278 defa okunmuş - 13 Mart 2014 - Perşembe 09:40

  Dört yılda bir kerä yapılan Kış Olimpiadası 2014-cü yılda gücük ayın 7-23 günnerindä Rusiyanın Soçi kasabasında geçer. 1980-ci yılda Sovet Birlii vakıdında Moskvada Yaz Olimpiadası yapıldıydı.

  XXII-ci Kış Olimpiadasında 88 devlettän sportçular bu büük hem geniş çeşitli kış sport yarışmalarında pay alêrlar.

  Olimpiadaya gidämeyennär için televizionnara 1500-dän taa çok kameralar göstererlär yarışmaları. Şindilik medali kazanmasında liderlik gösterer Norvegiya, Amerika, Germaniya, Rusiya, Kanada takımnarı.

Moldovanın milli takımı debüt yapêr Soçidä

  Moldovalı sportçuları, gelip Soçiyä, erleştilär maasuz hazırlanan olimpik küüyündä. Katıldılar açılışa, onnarlan buluşmaya geldi baş bakan Yurie Länka, angısı açılıştan sora çıktı onnarın kaldıı evinä. Moldovalı sportçuları erleştirdilär 1500 metra denizdän üüsektä. Yarışmalar bizim sportçularımız için bittilär ilk haftanın içindä, taa sora onnar siiredici olarak kaldılar tribunalarda.

  Moldova hazırladı kış Olimpiadası için dört sportçu üç çeşit sport dalında. Moldovanın Hükümeti onnarın hazırlanması hem gitmesi için ayırdı 1 milion 200 bin ley. Bayraamızı dalgalandırardı Viktor Pınzaru.

Moldova olimpiadacıları hem onnarın gösterdii sonuçlar:

 Bogdan Makovey – kızak sportu (36-cı er), Aleksandra Kamenşçik – biatlon hem skiatlon (71-ci hem 84-cü er), Viktor Pınzaru – lıja yarışması (77-ci er), Georg Linder – bayır lıjaları (çıktı distanțyadan).

Sağ üst butonu tıklayarak geri dönebilirsiniz...