TÜRK DÜNNESİ RESİMCİLERİNİN BULUŞMASI ESKİŞEHİRDÄ
1658 defa okunmuş - 04 Nisan 2014 - Cuma 12:06

  Eskişehir – Türkiyada bir kasaba. 2013-cü yılda Eskişehir bildirildi nicä Türk dünnesinin kultura merkezi. Bu statusta olan kasabada durmadaan yapılêr biri-birindän meraklı proektlär, angılarını düzenneer “Eskişehir 2013 – Türk dünnesinin kultura merkezi” hem Eskişehir administraţiyası.

  Resimcilär buluşmasında mardın 14-ündän 22-sinädän pay aldılar Gagauziyadan Dimitri Savastin hem Grigoriy Deçev. Onnar götürdülär sergilemäk için ikişär hazır yaratma hem orada laboratoriya çalışmalarında da ikişärresim yaptılar.

  Resimcilerin sergisi açıldı mart ayının 18-dä. Hepsi, kim istedi görmää hem tanışmaa ustaların yaratmalarınnan, bu işi vardı nasıl yapsın mardın 21-dän beeri ETİ Arheologiya muzeyindä. Resimcilär buluşması proekti yapılêr ikinci kerä. Bu yıl Eskişehirdä geçän buluşmaya 17 devlettän 30 resim ustası geldilär.

İlgili Fotoğraflar
Sağ üst butonu tıklayarak geri dönebilirsiniz...