GAGAUZİYANIN SERBEST GÜREŞÇİLERİNİN ÜÜSEK BAŞARILARI
1249 defa okunmuş - 17 Nisan 2014 - Perşembe 12:58

   Moldova çempionatı serbest güreştä 2014 yıl büüklär arasında gagauzlar için pek başarılı oldu. Avtonomiyadan sportçular gösterdilär pek ii rezultatları, kazandılar beş altın, iki gümüş hem iki bronza medali. Seftä bu çempionat geçirildi manej içindä, angısında seriliydi üç güreş kilimi. Milli yarışma topladı rekord sayıda siiredici, tribunalar dop-doluydu. Çempionata katıldılar 109 en ii güreşçi. Onnar güreştilär 8 aarlık kategoriyasında. Üüsek başarıları gösterip, gagauz güreşçilerinin takımı kazandı kvotayı katılmaa Evropa çempionatına, angısı geçecek bu yıl april ayında, – haberleer Komrat kasabanın ofiţial saytı.

İlk er:

Klim Grek (aarlık kategoriyası 57 kg);

Vladimir Gotişan (aarlık kategoriyası 66 kg);

Evgeniy Nedälko (aarlık kategoriyası 76 kg);

Pötr Yanulov (aarlık kategoriyası 86 kg);

Andrey Romanov (aarlık kategoriyası 125 kg);

İkinci er:

Aleksandr Petkov (aarlık kategoriyası 57 kg);

Aleksandr Romanov (aarlık kategoriyası 125 kg);

Üçüncü er:

Vasiliy Esir (aarlık kategoriyası 61 kg);

Vitaliy Kolioglo (aarlık kategoriyası 66 kg).

Sağ üst butonu tıklayarak geri dönebilirsiniz...