MAKSİM KARABACAK KADETLÄR ARASINDA SERBEST GÜREŞMEKTÄ MOLDOVANIN ÇEMPİONU OLDU
1230 defa okunmuş - 13 Mayıs 2014 - Salı 13:50

  Kişinövdakı “OLİMPİYA” sportkompleksindä mart ayın ikinci payında güreş çempionatında “Vekil” klubunun güreşçileri dört medali kazandılar. Onnardan biri – altın, ikisi – gümüş, biri – bronza. Çempionnuu kazandı Maksim Karabacak (69kg). İkinci oldular Nikolay Grahmez hem Stepan Statov. Üçüncü eri aldı Grigoriy Radov.

  Bu dört sportçu girdilär Moldovanın toplu serbest güreş takımına da şindi hazırlanêrlar Evropa Çempionatına, ani geçecek may ayında Bulgariyada.

  Trener Vladimir Slavioglo söleer, ani uşaklar klubun adını tanıdêrlar. Uşaklarımız da herbir yarışmada hep taa çok medali kazanêrlar.

  Klub “Vekil” bulunêr Kongaz küüyündä, №1 Teoretik liţeyindä. Burayı gelerlär 55 güreşçi 7-18 yaşlar arasında. Trenerlär şükür ederlär liţeyin başına İordan Yasıbaşa, ani verer kolaylık işlemää bu kurumun sportzalında.

Sağ üst butonu tıklayarak geri dönebilirsiniz...