NİKOLAY DUŞKOV – GENÇLÄR ARASINDA SERBEST GÜREŞTÄ ÇEMPİON
1287 defa okunmuş - 13 Mayıs 2014 - Salı 14:01

  “Vekil” sport klubundan Nikolay Duşkov bu yıl mart ayın bitkisindä Kişinövda geçän gençlär arasında yarışmalarda çempion oldu.

  “Vekil” takımından güreşä çıktı üç kişi: Georgiy Radov (60 kg), Nikolay Duşkov hem Stepan Statov (ikisi dä 120 kg). Stepan Statov bronzayı kazandı, Nikolay Duşkov sa kendi aarlık kategoriyasında çempion oldu.

  “Güreşä hazırdım, ama karşıma çıkan güreşçilär dä kuvetliydilär. Şükür ederim trenerlerimä, hepsinä, kim yardım etti hazırlanmaa: Tulba Genadiyä, Romanov Anatoliyä, anama-bobama, dostlarıma da şükür ederim, çünkü onnarsız kazanmaa taa zor olaceydı”, – söledi Nikolay Duşkov.

  Baş trener Genadiy Tulba söledi, ani Nikolay şindi hazırlanêr Evropa Çempionatına, angısı iyün ayında yapılacek.

  Trenerlär şükür ederlär klubun prezidentinä Vlah Sergeyä, Moldova Parlamentinin deputatına Vlah İrinaya, Kongaz küüyün primarına Telpiz Konstantinä finans hem moral yardımnarı için.

Sağ üst butonu tıklayarak geri dönebilirsiniz...