GAGAUZİYANIN ÇEMPİONATI GREK-RİM GÜREŞMESİNDÄ
2364 defa okunmuş - 23 Mayıs 2014 - Cuma 13:25

 Çok yıl şindän oldu, nicä Baurçuda, adetçä, Liţeyin sport salonunda geçirlener Gagauziyanın açık çempionatı grek-rim güreşmesindä. Bu yıl yarışmaa geldilär 25 takım: Rumıniya, Ukrayna, Pridnestrovye, Kişinöv, Kagul hem elbet Gagauziyanın her küülerindän güreşçilär.

 İlk selemlemäk sözünü söledi primar Pötr Popaz. Hepsinä danıştılar hem selemnedilär Gagauziyanın başkanı M.Formuzal hem GHT başı D. Konstantinov. Öndercilär söledilär, ani bölä sport buluşmaları onnarı herzaman sevindirer, çünkü isterlär ki gençlerimiz hem evlatboylarımız saalıklı olsunnar.

 Gençlerin aralarında buluşmalar geçärdilär pek meraklı, kimär kerä sudya zorlanardı karar vermää.

 Çempionatın sonunda kazanannara hem ii güreş gösterennerä nicä geçer, verildi diplomnar, medalilär, kuboklar.

 Bu büük organizaţiyayı geçirmää deyni yardımcı oldular İspolkom, Halk Topluşu, Gençlik hem Sport bakannıı, primariya, sportşkola-№1 hem başjka sponsorlar da kalmadılar bir tartafta, on kişidän zeedä kendi sponsorluunu teklif etti bu yortuyu geçirmää deyn.

 Çempionatı hazırlayan Baurçu güreşçilerin treneri İlya Telpiz şükür etti hepsi katılan takımnarı hem yardım verän sponsorları, ani kendi kuvetlerini koyup yapılabildi bölä gözäl güreş çempionatı.

 Siiredicilär kablettilär büük baaşış hem energiya – siiretmä sportçuların becermeklerini

 Kazandılar bu çempionatta Rumıniya, Ukrayna, Pridnestrovye, Moldova hem Gagauziya güreşçileri.

K.Kurdoglo

İlgili Fotoğraflar
Sağ üst butonu tıklayarak geri dönebilirsiniz...