KLİSÄ KURBANI BAURÇUDA
1691 defa okunmuş - 28 Mayıs 2014 - Çarşamba 17:18

  26 yıl geçti, nasıl ikinci kerä açıldı Baurçu küüyün Ayoz Nikulay adına klişesi. Bu yortulu günü – bakêrlar burada klişenin kurbanı olarak. Önemni gün denk geler Ayoz Nikulay gününä, angısı kutlanêr may ayın 22-dä hem dekabnrinin 19-da.

  Adetçä, erkendän yaşayannar, musaafirlär primarlan birliktä geldilär sabaalen yortulu slujbaya. İnsan okadar çoktu, ani kimileri içeri girämedi, duasını klişenin kapu önündä okuyardı.

  Küyün popazınnan, Protoirey Blagoçinnıy P. Keleşlan bilä slujbayı götürdülär başka musaafir popazları da. Kutlamaa baurçuluları gelän Moldova Parlamentindä deputat İrina Vlah sevineräk şaştı, ani bukadar çok sayıda küçük uşaklarını komka almaa getirän ana-bobaları seftä görer. Bu görüntü raatladêr hem inandırêr, ani bu küüyün klisesindä Allaha inanan insan hiç azalmıycek, hep sebep olacek insannarın birleşmesinä hem kaavi olmalarına.

  Adetin sırasına görä hepsi birliktä dolandılar klişeyi, serpildi ayozlanmış su.

  Slujbanın bitkisindä küüyün Popazı P.Keleş şükür etti gelenneri, ani yardım ettilär kurban için hazırlıkları yapmaa, musaafirleri karşılamaa. Konuşmasından hem kutlamasından sora hepsini teklif etti kurban sofrasından ikram almaa.

  İmektän sora küüyün yazarı K.Kurdoglo kısadan annattı kendi eni kiyadı için “ Baurçu küüyün Ayoz Nikulay adına klisesinin storiyası”, angısını hazırlêêr baskı için gagauz dilindä.

İlgili Fotoğraflar
Sağ üst butonu tıklayarak geri dönebilirsiniz...