TOMAY KÜÜYÜNDÄ AAÇLIK KURBANNARINA HATIR HEM ANMAK TAŞINI KURDULAR
1301 defa okunmuş - 05 Haziran 2014 - Perşembe 11:12
  1946-1947 yıllarda aaçlıktan can verän insannarın mezarının başında memorial yapıldı. “O yıllarda Tomayda yaşarmış yakın sekiz bin kişi. Ama açan bir tenä terekä dä bulunmamaa başlamış,  aaçlıı onnarın sade yarısı geçiräbilmiş”, – söledi küüyün nasaatçısı hem bu işin iniţiatoru Pötr Balaban.
  Bu insannar kendiliindän ölmedilär, onnar zoruna, kıtlıktan baara-baara can verdilär. Kimseyin kuvedi yoktu yardımnamaa en yakın insannarına da. Bu vatandaşlarımızı anmaa hem onnara hatır gütmää – bizim borcumuz, nışannadı küüyün primarı Födor Topçu. Memorialın açılışına, ayozlatmasına geldilär Moldova Parlamenti deputatı İrina Vlah, Odesa bölgesinin Sovetindä deputat Sergey Dimçoglo, Gagauziyanın Halk Topluşunda deputat Sergey Çimpoeş, Çadır dolayın Administraţiya başı Sergey Buzacı, Tomay 
küüyün Sovet başı İvan Nedov hem bütün küüyün yaşayannarı.
  Ofiţial açılış yapıldı çiçek ayın 27-dä. Para bu iş için topladılar insannar kendi arasında – yakın 80 bin ley. Bu günü sfinţit etmäk proţesiyasından sora hepsinä deyni kuruldu anmak sofrası.
 
Kaynak: Gagauzinfo.md
Sağ üst butonu tıklayarak geri dönebilirsiniz...