ÇADIRDA ENİ ANMAK TAŞI KOYULDU
1817 defa okunmuş - 11 Haziran 2014 - Çarşamba 14:47

     İyün ayın 7-dä, Çadırda, ofiţial uurda yapıldı eni anıtın açılışı.

 Bu anmak taşı hazırlandı Avganistan cengindä 1979-1989yy. pay alan hem ömürünü orada kaybedän askerlerin anması için. Bizim halkımızın olları da can verdilär bu çirkin hem uzun süreli cenktä. Çadır hem dolay küülerdän çıkan kahramannarımızı artık burada anaceklar hem toplantıları yapaceklar yaşayannar.

    Açılışta sözünü söledi Avganistan cengin veterannarı birlii başı Nikolay Kıvırcık, Çadır primarı Nikolay Ormancı, Moldova hükümetinin danışmanı, general İon Koropçan, MR Avganistan cengi veterannarı Birlii predsedateli, polkovnik K. Boeştean, Çadır-Lunga nasaatın predsedateli Konstantin Keleş, Moldova Prlamentindän hem GHT depıtatları h.b.

     Burada sölendi, ani bu anıt  getirdecek eni kuşakların da aklılarına, ani yaşandı kara cenk günneri Avganistanda, ani orada kaybeldi üzlärlän genç olan hem taa okadar da kişi kaldı sakat, hasta. Bölä örneklärlän lääzım terbiyetmää patriotik duygularını nicä küçüklerä ölä büüklerä dä.

Hep burada şükür edildi o insannara kim yardımnadı finans tarafından yapmaa bu pamyatnii. Bu iş oldu ii bir baaşış kasabanın günü için.

 

                                                                                           K.Kurdoglo

İlgili Fotoğraflar
ÇADIRDA ENİ ANMAK TAŞI KOYULDU ÇADIRDA ENİ ANMAK TAŞI KOYULDU ÇADIRDA ENİ ANMAK TAŞI KOYULDU ÇADIRDA ENİ ANMAK TAŞI KOYULDU ÇADIRDA ENİ ANMAK TAŞI KOYULDU ÇADIRDA ENİ ANMAK TAŞI KOYULDU ÇADIRDA ENİ ANMAK TAŞI KOYULDU ÇADIRDA ENİ ANMAK TAŞI KOYULDU
Sağ üst butonu tıklayarak geri dönebilirsiniz...