YABANCI STUDENTLERİN ARASINDA, GAGAUZKA, ALÖNA KAPANCI, SEÇİLDİ EN İİ ÜÜRENİCİ
2248 defa okunmuş - 12 Aralık 2014 - Cuma 18:13

Alöna Kapancı – Çadır-Lunga V.Moşkovun adına liţeyini bitirdiktän sora İ.G.Petrovskiyin adına Bränsk devlet universitetinä  üürenmää gitti. Büün dördüncü kursta üürener. Alöna, kazandı premiyayı - “Student 2014” nominaţiyada “Yılın yabancı studenti”, angısını hazırladı Rosiya fondu.

Bütün Rosiyadan ayırıldı 140 student, ani temsil ettilär kendi bölgelerini on türlü nominaţiyalarda. Bu ödül yapıldı «Россия студенческая» proektinä görä, angısına katıldı 1,5 bin student, devletin 60 bölgesindän. Hepsi katılannar bu premiyayı kazanmak için geçtilär birkaç zor etap deyni çıkmaa finala.

Final hem baaşışların verilmesi yapıldı Kazanda. Kendi kazancını, bizim vatandaşımız, kabletti kasın ayın 25-dä Olimpiya çempionun Svetlana Jurovanın elindän.

Filologiya fakultetinin studenti “Jurnalistika” bölümündän tanınêr diil sade universitettä ii üürenmesi için, ama ii başarılarlan Halklararası kunkurslarından, bilim dokladlarınnan, jurnalistika uurunda materiallarınnan hem Bütün Rosiyada geçirilän rus dili yarışmalarında.

 

                                                                                                       İlya Karaseni

İlgili Fotoğraflar
YABANCI STUDENTLERİN ARASINDA, GAGAUZKA, ALÖNA KAPANCI, SEÇİLDİ EN İİ  ÜÜRENİCİ YABANCI STUDENTLERİN ARASINDA, GAGAUZKA, ALÖNA KAPANCI, SEÇİLDİ EN İİ  ÜÜRENİCİ YABANCI STUDENTLERİN ARASINDA, GAGAUZKA, ALÖNA KAPANCI, SEÇİLDİ EN İİ  ÜÜRENİCİ
Sağ üst butonu tıklayarak geri dönebilirsiniz...