Kazayak Küyü Kanalları
Çok zaman geçti, açan küüdä yol boyu su kanalları döşendi. Çok zaman geçi o vakıttan, açan bitkii kerä onnarın bakımı yapıldı, paklandı hem kırılan erleri düzüldü.
173 defa okunmuş - 18 Ocak 2019 - Cuma 08:30

SU KANALALRI 25 YIL SORA AÇILDILAR

 

Çok zaman geçti, açan küüdä yol boyu su kanalları döşendi. Çok zaman geçi o vakıttan, açan bitkii kerä onnarın bakımı yapıldı, paklandı hem kırılan erleri düzüldü.

2018-nci yılın yaz aylarında küüyümüzün işçilerinnän, Türkiya primariyalar birliindän baaşlanmış eni ekskovatorun yardımınnan, yol boyundakı kannallarını enidän açmaa hem kanal olmayan erlerdä enilerini döşemää deyni çok iş yapıldı.

Küyün merkezi: Kultura Evinin arasından kliseyä dooru gidän yolun iki tarafından da paklanan hem eni döşenilän kanallardan yaamur hem kar suları artık dereyä akaceklar.

Kultura Evinin arasının bitkii beton plitalar kaldırılıp kanal açıldı, üstünä aralıklı demirär erleştirildilär. Yolu aykırlayan trubalar tıkanmış halda 25-30 yıl şindän bulunardılar. O beterä her büük yaamurdan sora yol üstündän derä gibi sular akardı, yangından koruma izmetinin aulunu, parkı, orada bulunan market, benzinnik hem kliseyä kadar büük zararlar verip, sular taşardı.

Kanal problemini bu sokakta çözmää deyni “AO DRUMUR DE STAT” devlet yollarını yapan kurumdan yaklaşık 400 bin ley verildi.

Yol çalışmaları yapıldıktan sora, parkı, aulları buultma risk azaldı, derenin taşması riskı da azaldı. Kanal işleri bittiktän sora, klisä öndeki ana yolun iki tarafından geçän köprülerin altları da açıldı, yıllardır gömülmüş hem yıvılmış toplarklar çıkarıldı, derä genişletildi hem düzleştirildi

Sağ üst butonu tıklayarak geri dönebilirsiniz...